تالعار اۋدانىندا سەرۆيستٸك ەكٸمدٸك اشىلدى قر پرەزيدەنتٸ قاسىم-جومارت توقاەۆتىڭ "حالىق ٷنٸنە قۇلاق اساتىن مەملەكەت" تۇجىرىمداماسىن جٷزەگە اسىرۋ ماقساتىندا الماتى وبلىسىنىڭ تالعار اۋدانىندا سەرۆيستٸك ەكٸمدٸك اشىلدى.
ەندٸ اۋدان تۇرعىندارى ەر بٶلٸمدەردٸ ٸزدەمەي-اق قاجەتتٸ قىزمەتتەردٸ بٸر عيماراتتا الا الادى. «Open space» قاعيداتى بويىنشا جۇمىس ٸستەيتٸن ورتالىقتا 8 مەكەمە تۇرعىندارعا 48 مەملەكەتتٸك قىزمەت تٷرٸن كٶرسەتەدٸ.
مۇندا كٷتۋ زالى مەن بالالارعا ارنالعان شاعىن ويىن الاڭى بار. ەلەكتروندى تٷردە كەزەك كٶرسەتەتٸن سەرۆيستٸك ەكٸمدٸكتە بارلىق قولايلى جاعداي جاسالعان.
قازٸردٸڭ ٶزٸندە قىزۋ جۇمىسىن باستاعان ورتالىققا كەلۋشٸ تۇرعىندار دەن ريزا.
"سەرۆيستٸك ەكٸمدٸك" جوباسىنىڭ قاعيدالارى مەملەكەتتٸك قىزمەتتەردٸ كٶرسەتەتٸن مەكەمەلەردٸ بٸر جەردە شوعىرلاندىرۋ. بۇل ٶز كەزەگٸندە قىزمەت الۋشىلاردىڭ ۋاقىتىن, كٷش-جٸگەرٸن, قارجىسىن ٷنەمدەۋگە مٷمكٸندٸك بەرەدٸ. وسىعان دەيٸن تۇرعىندار قىزمەت الۋ ٷشٸن ەلدٸ-مەكەننٸڭ تٷكپٸر-تٷكپٸرٸندە ورنالاسقان بٶلٸمدەرگە بارۋ قاجەت بولاتىن.
سونىمەن قاتار, عيماراتتا "جەتٸسۋ – ادالدىق الاڭى" جوباسىمەن جابدىقتالعان ازاماتتاردى قابىلداۋ كابينەتٸ ورنالاسقان. بۇل جەردە اۋدان ەكٸمٸ, ەكٸم ورىنباسارلارى, مەكەمە باسشىلارى تۇرعىنداردى جەكە مەسەلەلەرٸ بويىنشا قابىلداۋ جٷرگٸزەدٸ.
