Almaty oblysynyń Densaýlyq saqtaý basqarmasyna Ómirzaq Niiazbekov basshy bolyp taǵaiyndaldy, dep habarlaidy "Ult aqparat".
Ómirzaq Ábilseiituly 1966 jyly týǵan. Almaty memlekettik meditsina institýtyn dáriger mamandyǵy boiynsha bitirgen.
Eńbek jolyn Almaty oblysy Alakól aýdany Úsharal qalasyndaǵy Alakól ortalyq aýdandyq aýrýhanasynyń hirýrgiia bóliminde hirýrg bolyp bastaǵan.
Ár jyldary Úsharal qalasynyń Ortalyq qalalyq aýrýhanasynda dáriger-hirýrg, hirýrgiia bólimshesiniń meńgerýshisi, «Túrksib sanatoriii» AAQ bas direktory, «№ 7 Qalalyq klinikalyq aýrýhana» MKQK dáriger-hirýrg, Almaty qalasyndaǵy «emdeý-diagnostikalyq ortalyǵy» MKQK ambýlatoriialyq-emhanalyq bólimshesiniń dárigeri, Qarasai aýdanynyń Qaskeleń qalasyndaǵy «Qarasai AOA» ShJQ MKK direktorynyń uiymdastyrý-ádistemelik jumys jónindegi orynbasary, Qarasai aýdanynyń Qaskeleń qalasyndaǵy «Qarasai AOA» ShJQ MKK uiymdastyrý-ádistemelik bóliminiń meńgerýshisi, Almaty qalasyndaǵy «Almaty óńirlik onkologiialyq dispanseri» ShJQ MKK direktorynyń meditsinalyq qyzmetter sapasyn baqylaý jónindegi orynbasary bolyp qyzmet atqarǵan.
2018 jyldyń shildesinen - Almaty oblysy Densaýlyq saqtaý basqarmasy basshysynyń emdeý-aldyn alý jumysy jónindegi orynbasary qyzmetin atqardy.
Eske sala ketsek, Almaty oblysynyń densaýlyq saqtaý basqarmasynyń basshysy bolǵan Ysqaq Baýyrjan óz erkimen jumysynan ketkeni habarlanǵan edi.
