Almaty oblysynda búlik kezinde zardap shekken 120 kásipker anyqtaldy, dep habarlaidy QazAqparat.
Almaty oblysynda aldyn ala esepteýler boiynsha keltirilgen ziiannyń jalpy somasy 8,5 mlrd teńgeden asty. Bul týraly Jetisy ' Media aqparattyq alańynda ótken brifing barysynda belgili boldy.
Búgingi tańda Taldyqorǵan qalasynda, Qarasai, Jambyl, Aqsý aýdandarynda 120-ǵa jýyq zardap shekken biznes sýbektileri anyqtaldy. Olardyń ishinde «Qaraǵash» saýda úii men 5 dúńgirshek, «Sulpak» turmystyq tehnikasynyń 3 dúkeni, «Technodom» tehnika dúkeni, «Small» sýpermarketi, politsiia departamenti men oblys ákimdiginiń ashanalary, Qarasai aýdanynda «Aport» SOO-da 70-ke jýyq dúken men dúńgirshek jáne «Altyn orda» bazarynyń 20-ǵa jýyq saýda dúkeni, sondai-aq eki mai quiý beketi, Jambyl aýdanynda 1 JMQS, Aqsý aýdanynda 1 kásiporyn jáne taǵy basqa obektiler bar.
Zardap shekken kásipkerlik sýbektileriniń 83 paiyzy – shaǵyn jáne orta biznes ókilderi, qalǵan 17 paiyzy - iri biznes ókilderi.
«Biznes ieleriniń nazaryn zardap shekken kásipkerlerge zalal kólemin odan ári dáleldeý úshin ýákiletti organdardan nemese jeke baǵalaý kompaniialarynan zalal týraly qorytyndy almai, qiraǵan oryndardy retke keltirmeýge keńes beremiz», – dedi Almaty oblysy Kásipkerler palatasynyń direktory Lazzat Shynǵysbaeva.
Respýblikalyq deńgeide zardap shekken biznesti qoldaý qory «Kúshimiz Birlikte» – «Sila v edinstve»quryldy. Qarjylyq kómek kórsetýdi qalaityndardyń barlyǵy UKP sall–ortalyǵy men Almaty oblysy Óńirlik keńesiniń telefondary arqyly habarlasa alady. Komissiia sheshkennen keiin qordyń aqshasy obektileri tonalǵan jáne buzylǵan óńirlerdiń kásipkerlerine bólinetin bolady.
Qazirgi ýaqytta halyq pen biznesti qoldaý úshin Qarjy naryǵyn retteý jáne damytý agenttigi tótenshe jaǵdaidy engizý nátijesinde zardap shekken jeke jáne zańdy tulǵalardyń kreditterine bailanysty tólemderdi keiinge qaldyrýdy usyný boiynsha buiryq qabyldady, sondai-aq kreditterdiń merzimi ótken jaǵdaida aiyppuldar men ósimpuldardy esepteýge tyiym salyndy jáne talap-aryz jumysy toqtatyldy.
Alaida, jaǵdaiǵa qaramastan, kóptegen kásipkerler «Atamekenniń» blokpostardaǵy áskeri qyzmetshilerdi qoldaý týraly úndeýine ún qosty. Taldyqorǵan men aýdandardyń restoratorlary, óńirlik keńestiń, kásipkerler keńesteri men isker áielder keńesiniń, «Vmeste my – sila» kásipkerler qaýymdastyǵynyń músheleri blokposttardy azyq-túlikpen, otynmen, dári-dármekpen jáne basqa da qajetti quraldarmen qamtamasyz etýde.
