Almaty oblysynda qoiylǵan blokbeketterde bir ýaqytta shamamen 100 tártip saqshysy qyzmet atqarady. Eń kóp blokbeket Qarasai aýdanynda, naqty aitqanda 8 orynǵa qoiyldy. Ile aýdanynda - 6, Talǵar aýdanynda 3 jerde baqylaý-ótkizý beketi uiymdastyryldy, dep habarlaidy "Ult aqparat".
«Memleket basshysynyń tapsyrmasyna sáikes, elimizdiń aýmaǵynda tótenshe jaǵdai jariialandy. Osyǵan orai, QR Ishki ister ministriniń buiryǵymen politsiianyń jeke quramy qyzmet atqarýdyń kúsheitilgen tártibine kóshirildi. Politsiianyń basty mindeti – qoǵamdyq tártipti qorǵaý jáne azamattardyń qaýipsizdigin qamtamasyz etý. Qazirgi ýaqytta departament tarapynan koronavirýs indetiniń aldyn alý jáne onyń taralýyna jol bermeý maqsatynda tiisti sharalar qabyldanýda. Ótken táýlik ishinde blokbeketter jumysyna jumyldyrylǵan qyzmetkerler 3 266 kólikti tekserdi. 19 naýryzdan, iaǵni karantin engizilgeli beri (Almaty qalasynda – red.) 23 000 kólik tekserýden ótti», - dedi Almaty oblysy Politsiia departamentiniń bastyǵy Serik Kúdebaev.
Sonymen qatar, oblys ortalyǵy – Taldyqorǵan qalasy mańyna 4 sanitarlyq beket qoiyldy. Jaqyn kúnderi qalaǵa 8 064 kólikke mingen 20 myńnan astam jolaýshy kirgen. 21 naýryzdan beri beketterden 21 371 kóliktiń ótkeni anyqtaldy. QR Ákimshilik quqyq buzýshylyqtar týraly kodekstiń 476-babynyń talaptaryn buzǵan 26 tulǵa jaýapkershilikke tartyldy.
«Qurmetti, jerlester, eń aldymen sizdiń jáne jaqyndaryńyzdyń qaýipsizdigine baǵyttalǵan ishki ister organdarynyń áreketteri men sharalaryna túsinistikpen qaraýlaryńyzdy suraimyn. Sonymen qatar, tótenshe jaǵdai tártibin qatań saqtaýǵa, álemdik deńgeidegi indetpen kúreste jáne onyń aldyn alýda politsiianyń jáne ózge de qyzmettiń talaptaryn oryndaýǵa shaqyramyn. Eń bastysy, sizdiń densaýlyǵyńyzdyń kepili bolatyn – sanitarlyq-gigienalyq normalardy saqtaý qajettigin eskertemin», - dep atap ótti oblystyń bas politseii.
Aita keteiik, Almaty oblysynda koronavirýsqa shaldyǵýdyń 1 oqiǵasy tirkeldi. Osy ýaqyttaǵy jaǵdai boiynsha Qazaqstanda indetti 124 adam juqtyrdy.
