Birinshi synypqa qujat qabyldaý merzimi bekitildi Birinshi synypqa qujat qabyldaý merzimi bekitildi Er adam kinoteatrda popkornǵa qaqalyp qaitys boldy Er adam kinoteatrda popkornǵa qaqalyp qaitys boldy
Aimaq

Almaty oblysynyń Alakól jaǵalaýyna Nur-Sultannan ushaq kúndelikti qatynaidy

Ult portaly
Almaty oblysynyń Alakól jaǵalaýyna Nur-Sultannan ushaq kúndelikti qatynaidy


Búgin Nur-Sultannan bet alǵan 80 oryndyq «Bombardier DASH 8 Q400» ushaǵy Almaty oblysy, Úsharal qalasynyń áýejaiyna qondy. Ázirge bul baǵyt boiynsha ushaq aptasyna tórt ret qatynaidy, dep habarlaidy "Ult aqparat".

Qazirgi tańda Úsharal áýejaiynda jumys jandanýda. Sondai-aq búgin Almaty qalasynan 18 jolaýshy ushyp keldi. Keri baǵytqa 29 adam bilet alǵan. 

Aita keteiik, «Almaty – Úsharal – Almaty» (kúndelikti), «Nur-Sultan – Úsharal - Nur-Sultan» (aptasyna tórt ret) jáne «Taldyqorǵan – Úsharal - Taldyqorǵan» (kúndelikti) baǵyttary boiynsha áýe kemesi jolaýshylardy tasymaldaidy. Al 1 maýsymnan bastap «Nur-Sultan- Úsharal – Nur-Sultan» ushaǵy kúndelikti qatynaityn bolady. 



Bilet quny respýblikalyq jáne oblystyq biýdjetten sýbsidiialanǵandyqtan, jolaýshylar úshin tiimdi. Mysaly, Nur-Sultannan Úsharalǵa bilet baǵasy – 16 myń teńge, Almatydan – 15 myń, al Taldyqorǵan qalasynan 8 myń teńge turady. 

«Jolaýshylardyń qaýipsizdigi men jaily sapary úshin barlyq jumys atqarylýda. Bizdiń qyzmetkerlerdiń barlyǵy biliktiligin arttyryp, arnaiy sertifikattaryn aldy. Qazirgi epidemiologiialyq jaǵdaiǵa bailanysty barlyq sanitarlyq talaptar saqtalatyn bolady», - dedi «Jetisý» aviakompaniiasynyń prezidenti Qalmuhamet Dónsebaev.


Oqi otyryńyz