Almaty oblysynyń ákimi Amandyq Batalov 30 jylda óńirdiń damýy týrly aitty, dep habarlaidy QazAqparat.
«Biyl barsha qazaqstandyqtar úshin airyqsha jyl elimizdiń Táýelsizdigine 30 jyl tolady. Osy kúnge Almaty oblysy jaqsy nátijelermen jetti. Máselen, jalpy óńirlik ónim kólemi 35 mln teńgeden 3,7 trln teńgege deiin ulǵaidy. Ónerkásip ónimin shyǵarý 9,5 mln teńgeden 1 trln 200 mlrd teńgege deiin ósti, al aýyl sharýashylyǵynyń jalpy ónimi biyl 1 trln teńgeden asady», - dedi A. Batalov Ortalyq kommýnikatsiialar qyzmetinde.
Onyń aitýynsha, 30 jyl ishinde 14,5 mln sharshy metr turǵyn úi paidalanýǵa berildi. Biýdjetke túsimder 1997 jylǵy 11 mlrd teńgeden 742 mlrd teńgege deiin ósti. 30 jylda oblys ekonomikasyna 6,5 trln teńge investitsiia salyndy.
Sonymen qatar ol biylǵy 10 aidyń qorytyndysy boiynsha ekonomikanyń barlyq salasynda turaqty ósim bolǵanyn aitty.
«Jyl sońyna qarai ónerkásip óniminiń kólemi 1 trln 300 mlrd teńgeden asady. Shikizattyq emes eksport 6 paiyzǵa ósip, 392 mln AQSh dollaryna jetedi», - dedi ákim.
