الماتى وبلىسىنىڭ ەكٸمٸ اماندىق باتالوۆ 30 جىلدا ٶڭٸردٸڭ دامۋى تۋرلى ايتتى, دەپ حابارلايدى قازاقپارات.
«بيىل بارشا قازاقستاندىقتار ٷشٸن ايرىقشا جىل ەلٸمٸزدٸڭ تەۋەلسٸزدٸگٸنە 30 جىل تولادى. وسى كٷنگە الماتى وبلىسى جاقسى نەتيجەلەرمەن جەتتٸ. مەسەلەن, جالپى ٶڭٸرلٸك ٶنٸم كٶلەمٸ 35 ملن تەڭگەدەن 3,7 ترلن تەڭگەگە دەيٸن ۇلعايدى. ٶنەركەسٸپ ٶنٸمٸن شىعارۋ 9,5 ملن تەڭگەدەن 1 ترلن 200 ملرد تەڭگەگە دەيٸن ٶستٸ, ال اۋىل شارۋاشىلىعىنىڭ جالپى ٶنٸمٸ بيىل 1 ترلن تەڭگەدەن اسادى», - دەدٸ ا. باتالوۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, 30 جىل ٸشٸندە 14,5 ملن شارشى مەتر تۇرعىن ٷي پايدالانۋعا بەرٸلدٸ. بيۋدجەتكە تٷسٸمدەر 1997 جىلعى 11 ملرد تەڭگەدەن 742 ملرد تەڭگەگە دەيٸن ٶستٸ. 30 جىلدا وبلىس ەكونوميكاسىنا 6,5 ترلن تەڭگە ينۆەستيتسييا سالىندى.
سونىمەن قاتار ول بيىلعى 10 ايدىڭ قورىتىندىسى بويىنشا ەكونوميكانىڭ بارلىق سالاسىندا تۇراقتى ٶسٸم بولعانىن ايتتى.
«جىل سوڭىنا قاراي ٶنەركەسٸپ ٶنٸمٸنٸڭ كٶلەمٸ 1 ترلن 300 ملرد تەڭگەدەن اسادى. شيكٸزاتتىق ەمەس ەكسپورت 6 پايىزعا ٶسٸپ, 392 ملن اقش دوللارىنا جەتەدٸ», - دەدٸ ەكٸم.
