Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Aimaq

Almaty oblysynyń ákimdigi sharap zaýytyna qatysty jaǵdaiǵa túsinik berdi

Ult portaly
Almaty oblysynyń ákimdigi sharap zaýytyna qatysty jaǵdaiǵa túsinik berdi


Almaty oblysynyń ákimdigi Shalqar aýylyndaǵy sharap zaýytyna qatysty jaǵdaiǵa túsinik berdi, - dep habarlaidy Tengrinews.kz agenttigi.

Almaty oblysynyń ekologtary Qarasai aýdany turǵynynyń ótinishi negizinde "Shalqar-17" JShS-ne qatysty jospardan tys tekserý júrgizgen.

"Tekserý barysynda "Shalqar-17" JShS-niń sharap-araq ónimderin jáne alkogolsiz sýsyndardy daiyndaý zaýyty úshin "Qorshaǵan ortaǵa shyǵaryndylardyń shekti jol beriletin normativteri" jobasyna memlekettik ekologiialyq saraptama qorytyndysy jáne qorshaǵan ortaǵa emissiiaǵa ruqsaty bar ekeni anyqtaldy.

"Shalqar-17" JShS aýmaǵynda bótelkelerdi jýý ýchaskesin qospaǵanda, káriz aǵyndary tógiletin ájiqudyq bar. Tekserý barysynda bótelkelerdi jýǵannan keiin sý káriz qubyry arqyly jýý ýchaskesinen jinaqtaýshy tundyrǵyshqa jiberiledi, odan ári jeke turǵyn úi qurylysy úshin bólingen jer ýchaskesiniń aýmaǵyna (eski súzý alańy) tógiletini anyqtaldy. Osy derek bótelkeler jýylǵan sý jergilikti jer bederine tógiletinin aiqyndaidy, osylaisha QR Ekologiialyq kodeksiniń 216 jáne 120, 121-baptary 2-tarmaǵynyń talaptary buzylǵan", - dedi ákimdik ókilderi.

Zań negizinde kompaniiaǵa QR ÁQBtK-niń 328-baby 1-bóligi boiynsha ákimshilik is qozǵaldy. Sonymen qatar, ekologiia departamentiniń zerthanalyq-analitikalyq baqylaý bóliminiń mamandary sýdyń himiialyq quramyn anyqtaý úshin synamalar alǵany aityldy.

Anyqtalǵan zańbuzýshylyqtardy joiý úshin kásiporynǵa ekologiialyq zańnamaǵa sáikes buiryq shyǵarylǵany habarlandy.

"Qazirgi ýaqytta departament Almaty oblysynyń mamandandyrylǵan aýdanaralyq ekonomikalyq sotyna jer bederine sarqyndy sýdy aǵyzýdy toqtata turý týraly talap aryz daiyndap jatyr", - dedi Almaty oblysy ákiminiń baspasóz qyzmetindegiler.

Eske salaiyq, Almaty oblysynda sharap zaýyty Shalqar aýylynyń shetin óndiristik qaldyqtaryn quiatyn alańǵa ainaldyrǵany habarlanǵan edi. Kásiporynnyń qaldyǵynan shyqqan jaǵymsyz iis bútin bir aýylǵa tarap, buqara esik-terezelerin qymtap otyrýǵa májbúr boldy.

Oqi otyryńyz