Almaty oblysynda koronavirýs infektsiiasy anyqtalǵan naýqas elimizge Mekkeden Ystanbul arqyly ushyp kelgen. Bul týraly oblys ákimi baspasóz qyzmetiniń jetekshisi Ǵalymurat Júkel málim etti.
«Sońǵy aqparat boiynsha, koronavirýs Taldyqorǵanda tirkeldi degen habarlama taralyp jatyr. Almaty oblysynda atalǵan virýs bir adamnan anyqtaldy. Biraq bul jaǵdai Taldyqorǵanda emes, Qarasai aýdanynda tirkeldi. Qazir 1986 jylǵy naýqas Qaskeleńdegi infektsiialyq aýrýhanada jatyr. Jaǵdaiy turaqty. Virýs juqtyrǵan adammen qarym-qatynasta bolǵandardyń barlyǵy anyqtaldy. Tiisti sharalar atqarylýda. Al koronavirýs juqtyrǵan adam bizdegi málimet boiynsha Mekkeden Ystanbul arqyly ushyp kelgen», - dedi Ǵalymurat Júkel.
