Almaty oblysynyń 57 turǵyny balasyna durys tárbie bermegeni úshin jaýapkershilikke tartyldy, dep habarlaidy QazAqparat tilshisi.
«Elimiz boiynsha kámelet jasqa tolmaǵandar arasynda zańbuzýshylyqtyń aldyn alýǵa baǵyttalǵan «Jasóspirim» sharasynyń birinshi kezeńi aiaqtaldy. Nátijesinde óz balalarynyń tárbiesine nemqurailylyq tanytqan 57 ata-ana jaýapqa tartyldy. Barlyq 57 jaǵdai boiynsha QR ÁK 127-shi babyna sáikes 7 AEK-ten 20 AEK-ke deiin aiyppul salyndy», - dep habarlaidy IID baspasóz qyzmeti.
7 kúnde iývenaldy politsiia qyzmetkerleri 436 ákimshilik quqyqbuzýshylyqty anyqtady. 30-dan astam saýda oryndarynyń ielerine kámelet jasyna tolmaǵandarǵa alkogol jáne temeki ónimderin satqany úshin aiyppul salyndy.
Oiyn-saýyq oryndarynda úlkenderdiń baqylaýynsyz júrgen 23 jasópirim qolǵa tústi. Túngi ýaqytta qydyrǵan 278 jasóspirim politsiia ýchaskilerine jetkizildi. Al 15 jas jetkinshek qańǵybastyq pen qaiyr tilegeni úshin jasóspirimderi beiimdeý jáne oqshaýlaý ortalyǵyna jiberildi. Aldyn alý sharalary 11-shi qarashaǵa deiin jalǵasady.
