Almaty oblysynda 2 millionynshy səbi dúniege keldi. Jas otbasyny óńir basshysy Amandyq Batalov arnaiy baryp quttyqtap, eki bólmeli pəterdiń kiltin tabys etti, dep habarlaidy Ult.kz tilshisi QazAqparat agenttigine silteme jasap.
Jetisý jeriniń 2 millionynshy turǵyny Eńbekshiqazaq aýdanynda dúnie esigin ashty. Səbidiń salmaǵy - 3 keli 700 gramm.
"Ulystyń uly kúni Almaty oblysynda eki millionynshy turǵynnyń ómirge kelýimen bastalyp otyr. Sábidiń jaryq dúniege kelýi - otbasy úshin árqashan erekshe qýanysh, al oblystyń eki millionynshy turǵynynyń ómirge kelýi - óńirimiz úshin erekshe tarihi oqiǵa. Sondyqtan sizderdi úlken qýanyshtaryńyzben shyn júrekten quttyqtaimyn. Kishkentai nárestemiz táýelsiz elimizdiń betke ustar azamaty bolsyn. Shańyraqtaryńyzdan shattyq pen baq-bereke ketpesin. Elimiz aman bolyp, halqymyzdyń sany kóbeie bersin», dep oblys ákimi Amandyq Batalov jas otbasyna eki bólmeli páterdiń kiltin tabys etti.
Jas sábidiń anasy Jarqynai Emenaqynova qýanyshtarynda shek joq ekenin jetkizdi.
«Bizdiń otbasy úshin búgin erekshe kún, ekinshi sábiim dúniege kelip, oblysymyzdyń eki millionynshy turǵyny degen atqa ie bolyp jatyr. Óte baqyttymyz, qýanyshymyz qýanyshqa ulasyp jatyr. Otbasymnyń atynan ana men balaǵa, deni saý urpaq dúniege ákelýge barlyq jaǵdaidy jasap otyrǵan Memleket basshysyna zor alǵysymdy bildiremin. Sábili bolýmen qatar úili de bolyp jatyrmyz. «Ár bala óz nesibesimen týady» degendi babalarymyz beker aitpaǵan. Elimizdiń, Jetisý ólkesiniń damyp, gúldenýine shyn júrekten tilektespin. Osyndai qýanyshty sátte sizden, Amandyq Ǵabbasuly, jas sábiimizge at qoiýyńyzdy suraimyn», - dedi baqytty ana oblys ákimine qarata.
Oblys ákimi Amandyq Batalov Almaty oblysynyń eki millionynshy turǵynynyń esimin «Nursultan» dep qoidy.
Almaty oblysynyń eki millionynshy turǵyny muǵalimder otbasynda dúniege keldi. Náresteniń ákesi - Shormanov Dias Nurahmetuly, Abai atyndaǵy Qazaq memlekettik ýniversitetiniń túlegi, qazirgi kezde Eńbekshiqazaq aýdanyndaǵy O.Jandosov atyndaǵy orta mektepte direktordyń orynbasary bolyp qyzmet jasaidy. Anasy - Emenaqynova Jarqynai Namazbaiqyzy, Qazaq memlekettik pedagogikalyq ýniversitetiniń túlegi, búgingi kúni Esik gýmanitarlyq kolledjinde psihologiiadan sabaq beredi.
