الماتى وبلىسىندا 2 ميلليونىنشى سəبي دٷنيەگە كەلدٸ. جاس وتباسىنى ٶڭٸر باسشىسى اماندىق باتالوۆ ارنايى بارىپ قۇتتىقتاپ, ەكٸ بٶلمەلٸ پəتەردٸڭ كٸلتٸن تابىس ەتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
جەتٸسۋ جەرٸنٸڭ 2 ميلليونىنشى تۇرعىنى ەڭبەكشٸقازاق اۋدانىندا دٷنيە ەسٸگٸن اشتى. سəبيدٸڭ سالماعى - 3 كەلٸ 700 گرامم.
"ۇلىستىڭ ۇلى كٷنٸ الماتى وبلىسىندا ەكٸ ميلليونىنشى تۇرعىننىڭ ٶمٸرگە كەلۋٸمەن باستالىپ وتىر. سەبيدٸڭ جارىق دٷنيەگە كەلۋٸ - وتباسى ٷشٸن ەرقاشان ەرەكشە قۋانىش, ال وبلىستىڭ ەكٸ ميلليونىنشى تۇرعىنىنىڭ ٶمٸرگە كەلۋٸ - ٶڭٸرٸمٸز ٷشٸن ەرەكشە تاريحي وقيعا. سوندىقتان سٸزدەردٸ ٷلكەن قۋانىشتارىڭىزبەن شىن جٷرەكتەن قۇتتىقتايمىن. كٸشكەنتاي نەرەستەمٸز تەۋەلسٸز ەلٸمٸزدٸڭ بەتكە ۇستار ازاماتى بولسىن. شاڭىراقتارىڭىزدان شاتتىق پەن باق-بەرەكە كەتپەسٸن. ەلٸمٸز امان بولىپ, حالقىمىزدىڭ سانى كٶبەيە بەرسٸن», دەپ وبلىس ەكٸمٸ اماندىق باتالوۆ جاس وتباسىنا ەكٸ بٶلمەلٸ پەتەردٸڭ كٸلتٸن تابىس ەتتٸ.
جاس سەبيدٸڭ اناسى جارقىناي ەمەناقىنوۆا قۋانىشتارىندا شەك جوق ەكەنٸن جەتكٸزدٸ.
«بٸزدٸڭ وتباسى ٷشٸن بٷگٸن ەرەكشە كٷن, ەكٸنشٸ سەبيٸم دٷنيەگە كەلٸپ, وبلىسىمىزدىڭ ەكٸ ميلليونىنشى تۇرعىنى دەگەن اتقا يە بولىپ جاتىر. ٶتە باقىتتىمىز, قۋانىشىمىز قۋانىشقا ۇلاسىپ جاتىر. وتباسىمنىڭ اتىنان انا مەن بالاعا, دەنٸ ساۋ ۇرپاق دٷنيەگە ەكەلۋگە بارلىق جاعدايدى جاساپ وتىرعان مەملەكەت باسشىسىنا زور العىسىمدى بٸلدٸرەمٸن. سەبيلٸ بولۋمەن قاتار ٷيلٸ دە بولىپ جاتىرمىز. «ەر بالا ٶز نەسٸبەسٸمەن تۋادى» دەگەندٸ بابالارىمىز بەكەر ايتپاعان. ەلٸمٸزدٸڭ, جەتٸسۋ ٶلكەسٸنٸڭ دامىپ, گٷلدەنۋٸنە شىن جٷرەكتەن تٸلەكتەسپٸن. وسىنداي قۋانىشتى سەتتە سٸزدەن, اماندىق عابباسۇلى, جاس سەبيٸمٸزگە ات قويۋىڭىزدى سۇرايمىن», - دەدٸ باقىتتى انا وبلىس ەكٸمٸنە قاراتا.
وبلىس ەكٸمٸ اماندىق باتالوۆ الماتى وبلىسىنىڭ ەكٸ ميلليونىنشى تۇرعىنىنىڭ ەسٸمٸن «نۇرسۇلتان» دەپ قويدى.
الماتى وبلىسىنىڭ ەكٸ ميلليونىنشى تۇرعىنى مۇعالٸمدەر وتباسىندا دٷنيەگە كەلدٸ. نەرەستەنٸڭ ەكەسٸ - شورمانوۆ دياس نۇراحمەتۇلى, اباي اتىنداعى قازاق مەملەكەتتٸك ۋنيۆەرسيتەتٸنٸڭ تٷلەگٸ, قازٸرگٸ كەزدە ەڭبەكشٸقازاق اۋدانىنداعى و.جاندوسوۆ اتىنداعى ورتا مەكتەپتە ديرەكتوردىڭ ورىنباسارى بولىپ قىزمەت جاسايدى. اناسى - ەمەناقىنوۆا جارقىناي نامازبايقىزى, قازاق مەملەكەتتٸك پەداگوگيكالىق ۋنيۆەرسيتەتٸنٸڭ تٷلەگٸ, بٷگٸنگٸ كٷنٸ ەسٸك گۋمانيتارلىق كوللەدجٸندە پسيحولوگييادان ساباق بەرەدٸ.
