videodan alynǵan kadr
Almaty oblysynda BMW jáne Daewoo soqtyǵysyp, alty adam zardap shekti. Arasynda kámeletke tolmaǵan balalar bar, dep habarlaidy "Ult aqparat" Sputnik Qazaqstan saityna silteme jasap.
Jol apatynyń beinejazbasy áleýmettik jelilerde tarady. Jol-kólik oqiǵasy Baiserke - Tilendiev tas jolynyń jiyrma altynshy shaqyrymynda bolǵan.
"Jigitter, kólikti asyqpai júrgizińizder. Qazir bul kólikte balalarymyz jatyr, biz qazir aýrýhanaǵa bara jatyrmyz", - deidi video avtory.
Balalar aýyr jaralanǵan, bireýi jansaqtaý bóliminde.
Almaty oblysynyń politsiia departamenti apat 30 sáýirde Ile aýdanyndaǵy Tóńkeris - Baiserke - Qaraoi - Mejdýrechensk avtojolynda bolǵanyn habarlady. 20 jastaǵy Daewoo júrgizýshisi jaiaý júrginshiler jolaǵyna toqtaǵanda BMW kóligi kelip soqtyǵysqan. Saldarynan kóliktiń biri aialdamaǵa soǵylǵan.
"Jol apatynan alty adam zardap shekti, onyń ishinde birneshe kámeletke tolmaǵandar bar. Olardyń biri - jaiaý júrginshiler ótkelinen ótip bara jatqan 17 jastaǵy jasóspirim, ártúrli jaraqatpen aýrýhanaǵa jatqyzyldy. Qalǵandary meditsinalyq tekserýden keiin úige jiberildi. Tergeý qylmystyq kodekstiń 345-baby "Jol qozǵalysy nemese kólik quraldaryn paidalaný erejelerin buzý" boiynsha júrgiziledi", - dedi Almaty oblysy politsiia departamentiniń baspasóz qyzmeti.
Vedomstvo jol apaty boiynsha mán-jailardy zertteýdiń tolyqtyǵy men obektivtiligi úshin barlyq qajetti saraptamalar jasalyp jatqanyn jetkizdi.
