Almaty oblysynda tergeý jáne ýaqytsha ustaý izoliatorlarynan 33 adam bosatyldy, onyń ishinde 8 kámeletke tolmaǵan bala ata-anasynyń qamqorlyǵyna alyndy, - dep habarlaidy QazAqparat.
Almaty oblysynda 88 adam qamaýda otyrsa, 60-na qoǵamnan oqshaýlaýmen bailanysty emes basqa da bultartpaý sharalary belgilendi.
Bultartpaý sharasy jeke basyn, jasyn, densaýlyq jaǵdaiyn, qatysý dárejesin, áreketke qatynasyn jáne basqa da málimetterdi muqiiat zerttegennen keiin tańdaldy.
Qańtar oqiǵasynyń saldarynan oblys boiynsha 758 adam zardap shekti, onyń ishinde 643-i politsiia qyzmetkeri, 78-i áskeri, 37-si beibit turǵyn. Kópshiligi jeńil jaraqat alǵan, olardyń ómirine qaýip tónip turǵan joq.
«Is-áreketterinde aýyrlatatyn mán-jailar joq adamdarǵa jazany jeńildetý bóliginde Memleket basshysynyń tapsyrmasyn oryndaý maqsatynda sharalar qabyldanýda. Munda árbir quqyq buzýshyǵa jeke mán berip otyrmyz. Sipaty men sanatynyń aýyrlyǵy baǵalandy», - dedi Almaty oblysy prokýrorynyń mindetin atqarýshy Rashid Ámirov.
Aita keteiik, qańtar oqiǵasy boiynsha barlyǵy 409 qylmystyq is tergelýde, onyń 158-i urlyq, 191-i qarýdy zańsyz saqtaý, 11-i terrorizm, 3-i jappai tártipsizdik, 3-i kisi óltirý jáne taǵy basqa qylmystar.
Tergeý nátijeleri boiynsha jeńildetý maqsatynda 93 apelliatsiialyq ótinishhat engizilip, sotpen prokýrordyń aktileri qanaǵattandyryldy. 71 tulǵa qamaýdan bosatyldy, 22-ne aiyppul eskertýge aýystyryldy. Qazirgi tańda oblys boiynsha ákimshilik qamaýda otryǵan adamdar joq.
Esterińizge salamyz, Sybailas jemqorlyqqa qarsy qyzmetimen azaptaý faktilerimen 37 qylmystyq is tergelýde.
