5 qańtarda shoqpar, dybystyq granata jáne armatýramen qarýlanǵan 500-ge jýyq adam UQK Shekara qyzmeti Almaty oblysy boiynsha departamentiniń ǵimaratyn basyp almaq boldy, dep habarlaidy "Ult aqparat" Ulttyq qaýipsizdik komitetiniń baspasóz qyzmetine silteme jasap.
Perimetr boiymen ornalasqan beinekameralardy isten shyǵarǵan shabýylshylar ǵimarat ishindegi qarýǵa qol jetkizýdi kózdegen. Alaida departament nysandaryn qorǵaýǵa qalǵan shekarashylar jeke quramnyń kúshimen olardy yǵystyra alǵan.
Saǵat 14:00 shamasynda qarýly top kórshi ornalasqan QR Bas prokýratýrasynyń Almaty qalasy boiynsha Quqyqtyq statistika jáne arnaiy esepke alý jónindegi komiteti basqarmasynyń ǵimaratyn basyp alyp, ony órtep jibergen.
"Órt sóndirý kólikteri kelgenge deiin shekarashylar óz kúshterimen órt sóndirýge kirisip, prokýratýranyń 57 qyzmetkerin, Qorǵanys ministrliginiń eki kýrsantyn Shekara qyzmeti departamentiniń aýmaǵyna evakýatsiialady. Sonymen qatar, shekarashylar qylmyskerlerdiń 7 órt sóndirýshini tutqynǵa alý áreketine jol bermei, olardy ShQ departamenti aýmaǵyna jasyrǵan", - delingen habarlamada.
