Almaty túbinde apatqa ushyraǵan sanaviatsiia ushaǵynyń bortynda bolǵan dárigerlerdiń aty-jónderi anyqtaldy, - dep habarlaidy kaz.tengrinews.kz QR Densaýlyq saqtaý ministrliginiń baspasóz qyzmetine silteme jasap.
Vedomstvo ókilderiniń málimetinshe, 3 qazanda keshki ýaqytta Almatydan Shymkentke dárigerler brigadasy aýyr jaǵdaida jatqan júkti áielge kómektesý úshin attanǵan.
"Almatydan sanitarlyq aviatsiia brigadasy saǵat 18.39-da ushyp shyqqan. Bortta Akýsheriia, ginekologiia jáne perinatalogiia ǵylymi ortalyǵynyń professory, dáriger akýsher-ginekolog Patsaev Talǵat Anapiuly men Kardiologiia jáne ishki aýrýlar ǵylymi-zertteý institýtynyń reanimatolog dárigeri Artyqbaev Jánibek Túkenuly bolǵan", - delingen habarlamada.
Bortta naýqastyń bolmaǵany aitylady. Ushý Respýblikalyq sanitarlyq aviatsiia ortalyǵy men East Wing áýekompaniiasynyń kelisimsharty boiynsha AN-28 ushaǵymen júzege asyrylǵan. Bortpen bailanys úzilgen. Ushaq Almaty túbinde tabylǵan. Bes adamnyń máiiti tabylǵan.
"QR Densaýlyq saqtaý ministrligi qyzmettik mindetin atqarý kezinde qaza tapqan meditsinalyq jumysshylardyń otbasylaryna kóńil aitady jáne moraldyq ári materialdyq kómek kórsetedi", - dedi baspasóz qyzmetindegiler.
Qaza tapqan qalǵan úsheýi, Azamattyq aviatsiia komiteti ókilderiniń habary boiynsha, ekipajdyń músheleri bolǵan. Olar - Qyrǵyzstan azamaty, áýe kemesiniń komandiri G.N.Tsoi, ekinshi pilot, Qazaqstan azamaty E.Kýtafin.
Eske salaiyq, 3 qazan kúni Almaty-Shymkent baǵytynda sanitarlyq aviareisin oryndaǵan «AN-28» ushaǵy saǵat 18:47-de Almatydan 28 shaqyrym qashyqtyqta rodardan joǵalyp ketti. Sosyn saǵat 19.15-te ushaq Almaty oblysy Ile aýdanynyń Mejdýrechinsk aýyly mańynda apatqa ushyrap, órtengeni habarlandy. Bortta bolǵan 5 adam qaza boldy.
