Foto: Polisia.kz
Almaty oblysynyń politsiiasy kezekti esirtki zerthanasyn anyqtady, - dep habarlaidy "Ult aqparat" Polisia.kz saityna silteme jasap.
Almaty oblysy PD esirtki qylmysyna qarsy is-qimyl basqarmasy qyzmetkerleri Eńbekshiqazaq aýdany PB ýchaskelik politsiia inspektorlarymen birlesip, Bólek aýylynyń aýmaǵynda jedel-izdestirý is-sharalaryn júrgizý kezinde sintetikalyq esirtki quraldaryn óndirgen zerthanany anyqtaǵan.
"6 naýryzda arnaiy operatsiia júrgizý kezinde Qaraǵandy oblysynyń týmasy, 29 jastaǵy kúdikti ustaldy. Tintý barysynda úi aýmaǵynan shyny kolbalar túrindegi jabdyqtar, kristaldy nysandaǵy aq tústi zattary bar naýalar jáne prekýrsorlary bar 15 kanistr tabyldy jáne tárkilendi. Derek QR QK-niń 297-baby 3-bóligi belgileri boiynsha Eńbekshiqazaq aýdany politsiia basqarmasynyń SDTBT-da tirkeldi. Kúdikti ýaqytsha ustaý izoliatoryna qamaqqa alyndy", – dedi Almaty oblysy PD bastyǵy Baýyrjan Álenov.
Foto: Polisia.kz
Qazirgi ýaqytta protsessýaldyq sheshim qabyldaý úshin birqatar saraptama taǵaiyndalǵan.
Sondai-aq, politsiia ustalǵan adamnyń 2022 jylǵy jeltoqsannyń basynda Telegram arnasynda esirtki óndirýmen bailanysty jumys usynǵan belgisiz adammen tanysqanyn atap ótti. Usynysqa kelisip, 2022 jylǵy jeltoqsannyń aiaǵynda Almaty oblysynyń aýmaǵyna kelgen. 2023 jyldyń qańtarynan bastap ol Bólek aýylyna qonystanyp, óziniń zańsyz qyzmetin júzege asyrǵan.
