Foto: inform.kz
Bala quqyqtary jónindegi ýákil Dinara Zákieva Almaty oblysynda zorlyqqa tap bolǵan egiz qyzdyń qazir qaida ekenin aitty, dep habarlaidy Kazinform agenttigi.
«Qazir tergeý júrip jatyr. Soǵan bailanysty mán-jaidy tolyq aitýǵa bolmaitynyn bilesizder. Men ol jerge ózim bardym. Egiz qyzdy da, otbasynyń basqa balalaryn da kórdim», - dedi ol.
Ýákil bul is boiynsha qyzdardyń ájesi ustalǵanyn eske saldy.
«Oqiǵanyń sebebi anyqtalyp, kúdiktiler ustaldy. Qyzdar qazir bala quqyǵyn qorǵaityn ortalyqta. Iaǵni, Balalardy qorǵaý ortalyǵynda», - dedi Dinara Zákieva.
Eske salsaq, qazan aiynyń basynda Almaty oblysynda bir úidiń eki kishkentai qyzyn zorlady degen kúdikpen 40 jastaǵy er adam qamaýǵa alynǵany habarlanǵan edi.
