فوتو: inform.kz
بالا قۇقىقتارى جٶنٸندەگٸ ۋەكٸل دينارا زەكيەۆا الماتى وبلىسىندا زورلىققا تاپ بولعان ەگٸز قىزدىڭ قازٸر قايدا ەكەنٸن ايتتى, دەپ حابارلايدى Kazinform اگەنتتٸگٸ.
«قازٸر تەرگەۋ جٷرٸپ جاتىر. سوعان بايلانىستى مەن-جايدى تولىق ايتۋعا بولمايتىنىن بٸلەسٸزدەر. مەن ول جەرگە ٶزٸم باردىم. ەگٸز قىزدى دا, وتباسىنىڭ باسقا بالالارىن دا كٶردٸم», - دەدٸ ول.
ۋەكٸل بۇل ٸس بويىنشا قىزداردىڭ ەجەسٸ ۇستالعانىن ەسكە سالدى.
«وقيعانىڭ سەبەبٸ انىقتالىپ, كٷدٸكتٸلەر ۇستالدى. قىزدار قازٸر بالا قۇقىعىن قورعايتىن ورتالىقتا. ياعني, بالالاردى قورعاۋ ورتالىعىندا», - دەدٸ دينارا زەكيەۆا.
ەسكە سالساق, قازان ايىنىڭ باسىندا الماتى وبلىسىندا بٸر ٷيدٸڭ ەكٸ كٸشكەنتاي قىزىن زورلادى دەگەن كٷدٸكپەن 40 جاستاعى ەر ادام قاماۋعا الىنعانى حابارلانعان ەدٸ.
