Almaty mańyndaǵy aýyldardyń birinde Hyundai júrgizýshisi drift jasap, jaiaý júrginshini qaǵyp ketti, - dep habarlaidy Tengrinews.kz saity.
Oqiǵa beinebaqylaý kamerasyna túsip qalǵan, kadrlar áleýmettik jelide tarady.
Videoda tún ýaqytynda qolyna sómke ustaǵan er adam kóshede kele jatqany kórinedi. Kenet burlystan asqan jyldamdyqpen kólik shyǵa keledi. Jaiaý júrginshi kólikti der kezinde baiqap qalyp, temir qorshaýǵa sekirip shyǵýǵa umtylady. Alaida ol qutyla almaidy. Kólik qatty kelip soqqannan er adam qulap túsedi. Ornynan turýǵa umtylǵanymen qolynan kelmeidi.
Politsiia málimetinshe, oqiǵa 8 maýsymda túngi saǵat 23:30 shamasynda bolǵan. Kólikti 19 jastaǵy jasóspirim tizgindegen.
"Ol Boroldai aýyly kósheleriniń birinde kólikti tizgindei almai, 35 jastaǵy jaiaý júrginshini qaǵyp ketti. Túrli dene jaraqattarymen zardap shekken adam Ótegen batyr aýylynyń aýrýhanasyna jatqyzyldy.
Kinálige qatysty Qazaqstan Respýblikasynyń Ákimshilik quqyq buzýshylyq týraly kodeksi 610-612-babynyń 1-bóligi boiynsha ákimshilik hattama toltyryldy. Kólik aiyppul turaǵyna qoiyldy. Qazirgi ýaqytta qajetti saraptamalar taǵaiyndalyp, sotaldy tergep-tekserý jumystary bastaldy. Onyń qorytyndysy boiynsha protsessýaldyq sheshim qabyldanady", - dedi Almaty oblysynyń politsiia departamenti ókilderi.
