الماتى ماڭىنداعى اۋىلداردىڭ بٸرٸندە Hyundai جٷرگٸزۋشٸسٸ دريفت جاساپ, جاياۋ جٷرگٸنشٸنٸ قاعىپ كەتتٸ, - دەپ حابارلايدى Tengrinews.kz سايتى.
وقيعا بەينەباقىلاۋ كامەراسىنا تٷسٸپ قالعان, كادرلار ەلەۋمەتتٸك جەلٸدە تارادى.
ۆيدەودا تٷن ۋاقىتىندا قولىنا سٶمكە ۇستاعان ەر ادام كٶشەدە كەلە جاتقانى كٶرٸنەدٸ. كەنەت بۇرلىستان اسقان جىلدامدىقپەن كٶلٸك شىعا كەلەدٸ. جاياۋ جٷرگٸنشٸ كٶلٸكتٸ دەر كەزٸندە بايقاپ قالىپ, تەمٸر قورشاۋعا سەكٸرٸپ شىعۋعا ۇمتىلادى. الايدا ول قۇتىلا المايدى. كٶلٸك قاتتى كەلٸپ سوققاننان ەر ادام قۇلاپ تٷسەدٸ. ورنىنان تۇرۋعا ۇمتىلعانىمەن قولىنان كەلمەيدٸ.
پوليتسييا مەلٸمەتٸنشە, وقيعا 8 ماۋسىمدا تٷنگٸ ساعات 23:30 شاماسىندا بولعان. كٶلٸكتٸ 19 جاستاعى جاسٶسپٸرٸم تٸزگٸندەگەن.
"ول بورولداي اۋىلى كٶشەلەرٸنٸڭ بٸرٸندە كٶلٸكتٸ تٸزگٸندەي الماي, 35 جاستاعى جاياۋ جٷرگٸنشٸنٸ قاعىپ كەتتٸ. تٷرلٸ دەنە جاراقاتتارىمەن زارداپ شەككەن ادام ٶتەگەن باتىر اۋىلىنىڭ اۋرۋحاناسىنا جاتقىزىلدى.
كٸنەلٸگە قاتىستى قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸ 610-612-بابىنىڭ 1-بٶلٸگٸ بويىنشا ەكٸمشٸلٸك حاتتاما تولتىرىلدى. كٶلٸك ايىپپۇل تۇراعىنا قويىلدى. قازٸرگٸ ۋاقىتتا قاجەتتٸ ساراپتامالار تاعايىندالىپ, سوتالدى تەرگەپ-تەكسەرۋ جۇمىستارى باستالدى. ونىڭ قورىتىندىسى بويىنشا پروتسەسسۋالدىق شەشٸم قابىلدانادى", - دەدٸ الماتى وبلىسىنىڭ پوليتسييا دەپارتامەنتٸ ٶكٸلدەرٸ.
