Almaty-Óskemen tas jolynda jolaýshy áieldi óltirgen taksist 16 jylǵa sottaldy, dep habarlaidy "Ult aqparat".
Almaty oblystyq aýdanaralyq qylmystyq soty A. Qasymovany óltirgen qaskóidi qylmystyq kodekstiń 2 baby boiynsha iaǵni, QR QK 99 (adam óltirý) jáne QR QK 188 (tonaý) baptary boiynsha kináli dep tanyp, 16 jylǵa bas bostandyǵynan aiyrdy. Endi qylmysker jazasyn qaýipsizdigi deńgeii joǵary mekemede óteitin bolady.
Esterińizge sala keteiik, 2019 jyldyń 14 maýsymynda A. Qasymova Almatydan Almaty oblysyndaǵy Aqsý aýdanyna barmaq bolyp, taksige otyrǵan. Biraq, jábirlenýshi artynsha iz-túzsiz joǵalyp, jaqyndary onyń joǵalǵandyǵy jóninde Aqsý aýdandyq politsiiasyna aryzdanǵan bolatyn. Anyqtalǵandai, taksi júrgizýshisi A. Qasymovanyń tanysy bolyp shyqty. Ol A. Qasymovanyń qarajaty bar ekenin sezip, onyń dittegen jerine aparýǵa usynys tastap, jolda ony tonap, óltirip ketken.
16 jylǵa sottalǵan qylmysker Almaty qalasynyń turǵyny.
