الماتى-ٶسكەمەن تاس جولىندا جولاۋشى ەيەلدٸ ٶلتٸرگەن تاكسيست 16 جىلعا سوتتالدى, دەپ حابارلايدى "ۇلت اقپارات".
الماتى وبلىستىق اۋدانارالىق قىلمىستىق سوتى ا. قاسىموۆانى ٶلتٸرگەن قاسكٶيدٸ قىلمىستىق كودەكستٸڭ 2 بابى بويىنشا ياعني, قر قك 99 (ادام ٶلتٸرۋ) جەنە قر قك 188 (توناۋ) باپتارى بويىنشا كٸنەلٸ دەپ تانىپ, 16 جىلعا باس بوستاندىعىنان ايىردى. ەندٸ قىلمىسكەر جازاسىن قاۋٸپسٸزدٸگٸ دەڭگەيٸ جوعارى مەكەمەدە ٶتەيتٸن بولادى.
ەستەرٸڭٸزگە سالا كەتەيٸك, 2019 جىلدىڭ 14 ماۋسىمىندا ا. قاسىموۆا الماتىدان الماتى وبلىسىنداعى اقسۋ اۋدانىنا بارماق بولىپ, تاكسيگە وتىرعان. بٸراق, جەبٸرلەنۋشٸ ارتىنشا ٸز-تٷزسٸز جوعالىپ, جاقىندارى ونىڭ جوعالعاندىعى جٶنٸندە اقسۋ اۋداندىق پوليتسيياسىنا ارىزدانعان بولاتىن. انىقتالعانداي, تاكسي جٷرگٸزۋشٸسٸ ا. قاسىموۆانىڭ تانىسى بولىپ شىقتى. ول ا. قاسىموۆانىڭ قاراجاتى بار ەكەنٸن سەزٸپ, ونىڭ دٸتتەگەن جەرٸنە اپارۋعا ۇسىنىس تاستاپ, جولدا ونى توناپ, ٶلتٸرٸپ كەتكەن.
16 جىلعا سوتتالعان قىلمىسكەر الماتى قالاسىنىڭ تۇرعىنى.
