Almaty oblysynyń Qaratal aýdanynda joldyń burynǵy basshysy sybailastarymen 93 mln teńgeden astam qarjyny jymqyrdy degen aiyppen 7 jyl 3 aiǵa sottaldy, - dep habarlaidy "Ult aqparat"
«2021 jyldyń 29 maýsymy kúni Almaty oblysy Eskeldi aýdandyq sotynyń úkimimen kelesi tulǵalar kináli dep tanylyp, sottaldy: «Qaratal aýdanynyń jolaýshylar kóligi jáne avtomobil joldary bólimi» MM basshysy R. Aliianov, (QK 189-baby 4-bóliginiń 2-tarmaǵy, 369-baby 1-bóligi) 7 jyl 3 aiǵa bas bostandyǵynan aiyrý, ómir boiy memlekettik qyzmette belgili bir laýazymdardy atqarý quqyǵynan aiyrý;
- «Almaz-M» JShS direktory D. Mýsaev (QK 189-baby 4-bóligi 2-tarmaǵy, 385-baby 1-bóligi) 7 jylǵa 3 aiǵa bas bostandyǵynan aiyrý;
- Tehnikalyq qadaǵalaý – «Kravinjiniring» JShS V. Krýtikov (QK 28-baby, 5-bóligi, 189-baby 4-bóligi 2-tarmaǵy) 7 jyl bas bostandyǵynan aiyrý túrindegi deformatsiiany kórsetip otyr»,- delingen Sybailas jemqorlyqqa qarsy is-qimyl agenttigi Almaty oblysy boiynsha departamentiniń resmi jariialaǵan habarlamasynda.
Vedomstvonyń aqparatyna sáikes, sottalǵandar Úshtóbe qalasyndaǵy Tóle bi kóshesin kúrdeli jóndeýge bólingen qarjyny jymqyryp qalýdy kózdegen.
«Olar 2018 jyldyń mamyr-jeltoqsan ailary aralyǵynda oryndalǵan jumystardyń №2 jáne №3 aktilerine «Qaratal aýdany Úshtóbe qalasy Tóle bi kóshesin kúrdeli jóndeý» obektisi boiynsha qurylys-montajdaý jumystaryn júzege asyrý kezinde olardyń naqty mazmunyn burmalaityn jalǵan málimetter engizý arqyly jalpy somasy 93 111 040 teńgege biýdjet qarajatyn jymqyrdy dep kúdik keltirilgen», - dep tolyqtyrdy atalǵan vedomstvonyń baspasóz qyzmeti.
