Almaty oblysynda memlekettik nómirsiz júrgen túlekter kortejindegiler ustaldy. Tórt kólik te aiyp turaǵyna qoiyldy, dep habarlaidy "Ult aqparat".
Kóliktiń terezesinen shyǵyp, ómirge qaýip tóndirip, kóńil kótergenderdiń barlyǵy 17-22 jas aralyǵyndaǵy Jambyl aýdanynyń turǵyndary. Politsiianyń aqparatyna sáikes, olar kolledj túlekteri.
«25 mamyr kúni áleýmettik jelige monitoring júrgizý kezinde 4 avtokóliktiń Almaty-Bishkek tas jolynda jol erejesin óreskel buzǵany anyqtaldy. Politsiia olardy anyqtap, ustady. Tórt kólik aiyp turaǵyna qoiyldy. Onyń eki júrgizýshisi kámelettik jasqa tolmaǵan. Olarǵa birden ákimshilik hattama toltyryldy. Jalpy osy is boiynsha 15 hattama toltyryldy. Onyń ishinde kólikti memlekettik nómirsiz júrgizý de bar», - delingen vedomstvo taratqan habarlamada.
