Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

Almaty oblysynda jerge bailanysty daý týdy

Ult portaly
Almaty oblysynda jerge bailanysty daý týdy


Almaty oblysy Jańaturmys aýylynda jer ieleri men jergilikti turǵyndar kólemi 69 gektar bolatyn ýchaskeni bólise almai jatyr. Bir top jyljymaityn múlikti aýktsionda satyp alǵanyn, al endi bir top Odaq ydyraǵannan keiin jer úlesterin alǵanyn aitady, - dep habarlaidy Tengrinews.kz agenttigi Almaty.tv arnasyna silteme jasap.

Birneshe jyl boiy jer úlesin kútken jergilikti sharýalar kenet onyń satylǵanyn bilgen. Olardyń aitýynsha, jer ýchaskelerin satyp alǵan adamdar burynǵy sovhozǵa eshqandai qatysy joq.

"Kúshpen alý júrip jatyr. Bir direktor halyqqa berilgen ortaq jerdi alyp, ujymnan qupiia túrde kepilge qoiady. Jer tek jalpy jinalys arqyly bólinedi jáne bul - hattama zańdy derek", - dedi aýyl turǵyny Marat Sembaev.

Turǵyndardyń qolynda ruqsat qujattary joq. Jergilikti turǵyndardyń aitýynsha, buryn olar bolǵan. Alaida muraǵatta saqtalmaǵan, olardyń tek kóshirmeleri bar. Endi sharýa qojalyǵyn jyldar boiy damytqan adamdar 69 gektar jer ýchaskesine bailanysty quqyqtaryn qorǵaýǵa májbúr.

"650 gektar jer bólinip, ákimniń sheshimi shyqty, ýchaskege menshik quqyǵy berildi. Biraq sodan keiin bul jerler maqsatyna sai paidalanylmai jatyr dep ony qaita alý týraly qaýly shyǵardy", - dedi zańger Lázzat Japasheva.

Zardap shekken turǵyndar jer telimderin bergisi kelmei, qurylysqa kirisip ketken. Sonymen qatar, óziniń aitýynsha, qolynda barlyq qujaty bar jerdiń jańa iesine bul jaǵdai unamaidy. Óitkeni ol kóp aqshaǵa satyp alǵan jerine irgetas quiyp qoiǵan.

Telearna málimetinshe, ýchaskelerdiń jańa iesi jerge memlekettik akt jáne satyp alý-satý sharty bar eken.

"Zań meniń jaǵymda, óitkeni zań boiynsha qujattar, túpnusqa memlekettik akti bar. Satyp alý-satý boiynsha notarialdy túrde satyp aldym. Demek, bul jerlerdi qaryzǵa aldym, ýchaske satyp aldym. Men de halyqtyń bir bólshegimin, olar meni halyqtan alyp ketkendei kórsetedi. Men zańdy túrde jer telimin satyp aldym", - dedi Ashat Ysqaqov.

Daýly másele jer inspektsiiasynda qaralyp jatyr.

"Nesie berý arqyly bul jer telimi "BTA bank" AQ-na berildi. Keiin "Azamat Stroi Ink" JShS tólei almaýyna bailanysty jer ýchaskesi "Problemasy bar kreditter qory" AQ basqarýyna ótken. Qazir bul ýchaske jańa ielerine tiesili", - dedi Qarasai aýdanynyń aýyl sharýashylyǵy jáne jer qatynastary bóliminiń basshysy Syrym Jarqymbaev.

2016 jyly bul isti sot qarastyrǵany belgili boldy. Sodan keiin sot sheshimi jańa jer ieleriniń paidasyna qabyldanǵan. Alaida turǵyndar buǵan kelispei, aýdandyq prokýratýraǵa aryz jazýǵa sheshim shyǵarǵan.

Oqi otyryńyz