تۇرعىنداردىڭ قولىندا رۇقسات قۇجاتتارى جوق. جەرگٸلٸكتٸ تۇرعىنداردىڭ ايتۋىنشا, بۇرىن ولار بولعان. الايدا مۇراعاتتا ساقتالماعان, ولاردىڭ تەك كٶشٸرمەلەرٸ بار. ەندٸ شارۋا قوجالىعىن جىلدار بويى دامىتقان ادامدار 69 گەكتار جەر ۋچاسكەسٸنە بايلانىستى قۇقىقتارىن قورعاۋعا مەجبٷر.
"650 گەكتار جەر بٶلٸنٸپ, ەكٸمنٸڭ شەشٸمٸ شىقتى, ۋچاسكەگە مەنشٸك قۇقىعى بەرٸلدٸ. بٸراق سودان كەيٸن بۇل جەرلەر ماقساتىنا ساي پايدالانىلماي جاتىر دەپ ونى قايتا الۋ تۋرالى قاۋلى شىعاردى", - دەدٸ زاڭگەر لەززات جاپاشەۆا.
زارداپ شەككەن تۇرعىندار جەر تەلٸمدەرٸن بەرگٸسٸ كەلمەي, قۇرىلىسقا كٸرٸسٸپ كەتكەن. سونىمەن قاتار, ٶزٸنٸڭ ايتۋىنشا, قولىندا بارلىق قۇجاتى بار جەردٸڭ جاڭا يەسٸنە بۇل جاعداي ۇنامايدى. ٶيتكەنٸ ول كٶپ اقشاعا ساتىپ العان جەرٸنە ٸرگەتاس قۇيىپ قويعان.
تەلەارنا مەلٸمەتٸنشە, ۋچاسكەلەردٸڭ جاڭا يەسٸ جەرگە مەملەكەتتٸك اكت جەنە ساتىپ الۋ-ساتۋ شارتى بار ەكەن.
"زاڭ مەنٸڭ جاعىمدا, ٶيتكەنٸ زاڭ بويىنشا قۇجاتتار, تٷپنۇسقا مەملەكەتتٸك اكتٸ بار. ساتىپ الۋ-ساتۋ بويىنشا نوتاريالدى تٷردە ساتىپ الدىم. دەمەك, بۇل جەرلەردٸ قارىزعا الدىم, ۋچاسكە ساتىپ الدىم. مەن دە حالىقتىڭ بٸر بٶلشەگٸمٸن, ولار مەنٸ حالىقتان الىپ كەتكەندەي كٶرسەتەدٸ. مەن زاڭدى تٷردە جەر تەلٸمٸن ساتىپ الدىم", - دەدٸ اسحات ىسقاقوۆ.
داۋلى مەسەلە جەر ينسپەكتسيياسىندا قارالىپ جاتىر.
"نەسيە بەرۋ ارقىلى بۇل جەر تەلٸمٸ "بتا بانك" اق-نا بەرٸلدٸ. كەيٸن "ازامات ستروي ينك" جشس تٶلەي الماۋىنا بايلانىستى جەر ۋچاسكەسٸ "پروبلەماسى بار كرەديتتەر قورى" اق باسقارۋىنا ٶتكەن. قازٸر بۇل ۋچاسكە جاڭا يەلەرٸنە تيەسٸلٸ", - دەدٸ قاراساي اۋدانىنىڭ اۋىل شارۋاشىلىعى جەنە جەر قاتىناستارى بٶلٸمٸنٸڭ باسشىسى سىرىم جارقىمباەۆ.
2016 جىلى بۇل ٸستٸ سوت قاراستىرعانى بەلگٸلٸ بولدى. سودان كەيٸن سوت شەشٸمٸ جاڭا جەر يەلەرٸنٸڭ پايداسىنا قابىلدانعان. الايدا تۇرعىندار بۇعان كەلٸسپەي, اۋداندىق پروكۋراتۋراعا ارىز جازۋعا شەشٸم شىعارعان.
