Almaty oblysynda jyl basynan beri 19 basshy qylmystyq jaýapkershilikke tartyldy, dep habarlaidy «Ult aqparat» oblystyq sybailas jemqorlyq departamentine silteme jasap.
Qazaqstan Respýblikasy Sybailas jemqorlyqqa qarsy is-qimyl agenttiginiń Almaty oblysy boiynsha departamenti basshysynyń birinshi orynbasary Jandos Jumabaev 2021 jyldyń 7 aiynda atqarylǵan jumystardyń qorytyndysy týraly baiandady.
Jandos Jumabaevtyń aitýynsha, jyl basynan beri jedel-tergeý baǵyty boiynsha 84 qylmystyq is qozǵaldy. Onyń ishinde 66-y jemqorlyq faktisi boiynsha oryn alǵan. Aýyr qurammen 56 qylmys, asa aýyr quram boiynsha 5 qylmys tirkelgen.
Jalpy osy ýaqyt ishinde tirkelgen sybailas jemqorlyq qylmystar sany 78,3% kórsetkishti qurap otyr.
Eseptik kezeńde barlyǵy 147 tulǵa qylmystyq jaýapkershilikke tartylǵan. Almaty oblysynda jyl basynan beri 19 basshy qylmystyq jaýapkershilikke tartylǵan. Onyń ishinde oblystyq mańyzy bar – 6 basshy, aýdandyq deńgeidegi – 7 basshy, qalalyq deńgeidegi – 5 basshy jáne 1 aýyldyq deńgeidegi basshy bar.
Sonymen qatar, eseptik kezeńde «júieli» sybailas jemqorlyqtyń 8 faktisi anyqtaldy. Keshendi is-sharalardy iske asyrý nátijesinde 22 adam áshkerelendi. Jalpy sany 31 qylmys tirkelip, 4 qylmystyq is sotqa joldaýmen aiaqtaldy, 1 adam sottaldy.
Sondai-aq, jyl basynan beri barlyq aiaqtalǵan qylmystyq ister boiynsha keltirilgen zalaldyń somasy 812,5 million teńgeni qurady. Búgingi kúni 792,1 million teńge óteldi, iaǵni aiaqtalǵan qylmystyq ister boiynsha keltirilgen zalaldyń ótelýi 97,5% kórsetkishti quraidy.
Esepti kezeńde sybailas jemqorlyq quqyq buzýshylyq faktisi týraly habarlaǵan nemese sybailas jemqorlyqqa qarsy is-qimylda ózge de jolmen járdemdesken Almaty oblysynyń 3 turǵyny 612 570 teńgege kótermelendi.
Aita ketsek, Almaty oblysynda 2020 jyldyń 6 aiynda 128 qylmystyq quqyq buzýshylyq tirkelip, onyń 75%-dan astamy sybailas jemqorlyq qylmysy (96) bolǵan edi.
Aiaqtalǵan qylmystyq ister boiynsha jalpy shyǵyn 2,2 mlrd. teńgeni qurap, onyń 1,6 mlrd. teńgesi ótelgen.
Aýyr jáne asa aýyr qylmystar – 70%-y, nemese 82 quqyq buzýshylyqty qurady.
Eń kóp taralǵan sybailas jemqorlyq qylmystar – paraqorlyq – 58 fakt nemese 60,4%, laýazymdyq ókilettikti teris paidalaný – 17, nemese 17,7%, qyzmet babyn paidalana otyryp alaiaqtyq jasaý – 6 nemese 6,3%, senip tapsyrylǵan bóten múlikti iemdenip alý nemese talan-tarajǵa salý – 6 nemese 6,3%, bilikti asyra paidalaný – 5 nemese 5,2%.
Sybailas jemqorlyq qylmystary úshin 75 adam qylmystyq jaýapkershilikke tartylǵan, onyń ishinde birinshi basshylar – 27 adam.
Tergeý tájiribesine sáikes, jergilikti atqarýshy organdar men vedomstvolyq baǵynysty mekemelerdiń qyzmetkerleri sybailas jemqorlyq kórinisterine neǵurlym beiim ekenin belgili bolyp otyr.
