Jelide jaiaý júrginshini kólik qalai qaǵyp ketkeni túsirilgen video taratyp jatyr, - dep habarlaidy Tengrinews.kz.
Aqparatqa súiensek, oqiǵa Almaty oblysy Shelek aýylynda bolǵan. Oqys oqiǵa kólik jýý ornynyń syrtynda ornatylǵan baqylaý kamerasyna túsip qalǵan. Kadrlarǵa qaraǵanda, avtokólik solǵa qarai kólik jýýǵa burylǵaly turǵany kórinedi. Osy kezde onyń artynan asqan jyldamdyqpen kelgen aq tústi kólik soqtyǵysýdan qashyp, jaiaý júrginshini qaǵyp ketedi.
Politsiia jaiaý júrginshini 20 sáýirde qaǵyp ketkenin aitty. Zardap shegýshi - 55 jastaǵy áiel.
"Jaiaý júrginshini LADA kóligin mingen 25 jastaǵy jergilikti turǵyn qaǵyp ketti. Jábirlenýshi túrli jaraqattarmen aýrýhanaǵa jetkizildi. Júrgizýshi politsiia bólimshesine jetkizilip, jaýap alyndy. Kólik mamandandyrylǵan avtoturaqqa qoiyldy", - dedi Almaty oblysy PD baspasóz qyzmetine silteme jasap.
Apat boiynsha sotaldy tergeý bastalyp, qajetti saraptamalar taǵaiyndalǵan. Oqiǵa ornynan alynǵan beinejazbalar tergeý isine engizilgen.
