Kollaj: Tengrinews.kz
Almaty oblysynda kámeletke tolmaǵan jasóspirimder er adamdy aiaýsyz soqqyǵa jyqqan, - dep habarlaidy Tengrinews.kz saity.
7 naýryzda túnde Esik qalasynyń aýrýhanasyna túrli dene jaraqattarymen 49 jastaǵy er adam jetkizilgen. Jábirlenýshi - Taý Túrgen aýylynyń turǵyny.
"Jedel-izdestirý is-sharalary barysynda Eńbekshiqazaq aýdany PB iývenaldy politsiiasynyń qatysýymen kriminaldyq politsiia qyzmetkerleri 49 jastaǵy er adamǵa dene jaraqatyn saldy degen kúdikpen 2006, 2007 jáne 2008 jyly týǵan úsh kámeletke tolmaǵandy anyqtap, ustady. Tergeý áreketteri kezinde ustalǵandar 6 naýryzda saǵat 2:00 shamasynda Túrgen aýylynda belgisiz eresek adamǵa dene jaraqatyn salǵanyn moiyndady", - dep habarlady Almaty oblysynyń politsiia departamenti.
Atalǵan fakt QR Qylmystyq kodeksiniń 106-baby 2-bóligi boiynsha tirkeldi.
"Qazirgi ýaqytta qajetti saraptamalar taǵaiyndalyp, sotaldy tergeý amaldary júrgizilip jatyr. QR Qylmystyq-protsestik kodeksiniń 201-babyna sáikes ózge de málimetter jariia etýge jatpaidy", - delingen habarlamada.
