Sýret: Tengrinews.kz
Almaty oblysy Kegen aýdanynda oqys oqiǵa bolyp, saldarynan tórt adam qaza tapty, - dep habarlaidy Tengrinews.kz portaly.
Jelide oqiǵa ornynan video jariialandy. Kadr syrtyndaǵy daýys kólik asýdan ushyp ketkenin aitady.
Almaty oblysynyń Politsiia departamenti málimetinshe, 20 jeltoqsanda Almaty oblysy Kegen aýdanyndaǵy Kegen-Aqsai-Kókpek tasjolynyń boiynda Hyundai Santamo jáne Mitsubishi Galant markaly eki kólik jol apatyna ushyraǵan.
Apat saldarynan Hyundai Santamo markaly avtokólik júrgizýshisi jáne onyń úsh jolaýshysy oqiǵa ornynda qaitys bolǵan.
"Jol-kólik oqiǵasy QR QK-niń 345-baby 4-bóligi boiynsha Kegen aýdanynyń PB EQDB-da tirkeldi. Sotaldy tergep-tekserý júrgizý Almaty oblysy PD Anyqtaý basqarmasynyń anyqtaýshylaryna tapsyryldy", - delingen oblystyq politsiia habarlamasynda.
Qylmystyq istiń tergelý barysy men nátijesi Almaty oblystyq Politsiia departamentinde baqylaýǵa alyndy.
