Foto: pixabay.com
Almaty oblysynda jańa Alataý qalasynyń shekarasyn (shegin) belgileý týraly sheshim qabyldandy. Óńir ákimdigi tiisti qaýly shyǵardy, dep habarlaidy Ult.kz.
Qujattaǵy málimetke qaraǵanda, Almaty oblysynyń ákimdigi qaýlysynyń qosymshasyna sáikes Alataý qalasynyń shekarasy (shegi), onyń shegine jalpy aýdany 88000 gektar Qonaev qalasynyń, Ile jáne Talǵar aýdandarynyń keibir jerlerin qosa otyryp, belgilengen.
"Osy birlesken Almaty oblystyq máslihatynyń sheshimi jáne Almaty oblysy ákimdiginiń qaýlysy onyń alǵashqy resmi jariialanǵan kúninen keiin kúntizbelik on kún ótken soń qoldanysqa engiziledi", - delingen qujatta.
Eske salaiyq, byltyrǵy qarashada Almaty oblysyndaǵy Jetigen aýyly oblystyq mańyzy bar qalaǵa ainalyp, jańa ataýǵa ie bolýy múmkin ekeni habarlanǵan bolatyn. 9 qańtarda Qasym-Jomart Toqaev tiisti jarlyqqa qol qoidy. Atap aitqanda, Jetigen aýyly Alataý dep atalǵan.
