Foto: video kadry
QMA Almaty oblysy boiynsha departamentiniń qyzmetkerleri zańdy dep sanalatyn "Makao" oiyn mekemesinde onlain-kazinony zańsyz uiymdastyrý deregin anyqtady, - dep habarlaidy "Ult aqparat" Qarjylyq monitoring agenttigine silteme jasap.
Onlain-kazinoda oiynshyǵa jeke basyn anyqtaýsyz, qoldanystaǵy zańnamada belgilengen erejelerdi buza otyryp, sporttyq is-sharalarǵa stavka qoiýǵa, iaǵni oiyn ústelderi men rýletkalarda oinaýǵa múmkindik berilgen. Oiyndar «Makao» kazinosynyń ǵimaratynan júrgizilgen.
"17-ne qańtarǵa qaraǵan túni Departamenttiń jedel-tergeý toby tintý júrgizdi, onyń barysynda: 225,5 mln teńge, 15 myńnan astam eýro, 719 myń rýbl, 34 myń iýan, 38,5 myń AQSh dollary, uialy telefondar, býhgalterlik qujattar, júielik bloktar, resiver, beinekameralar, monitorlar, flesh-kartalar, serverler men beineregistratorlar tabylyp, tárkilendi.
Tergeý júrgizilip jatyr. QR QPK-niń 201-baby tártibindegi ózge de aqparat jariia etýge jatpaidy" - delingen habarlamada.
