فوتو: ۆيدەو كادرى
قما الماتى وبلىسى بويىنشا دەپارتامەنتٸنٸڭ قىزمەتكەرلەرٸ زاڭدى دەپ سانالاتىن "ماكاو" ويىن مەكەمەسٸندە ونلاين-كازينونى زاڭسىز ۇيىمداستىرۋ دەرەگٸن انىقتادى, - دەپ حابارلايدى "ۇلت اقپارات" قارجىلىق مونيتورينگ اگەنتتٸگٸنە سٸلتەمە جاساپ.
ونلاين-كازينودا ويىنشىعا جەكە باسىن انىقتاۋسىز, قولدانىستاعى زاڭنامادا بەلگٸلەنگەن ەرەجەلەردٸ بۇزا وتىرىپ, سپورتتىق ٸس-شارالارعا ستاۆكا قويۋعا, ياعني ويىن ٷستەلدەرٸ مەن رۋلەتكالاردا ويناۋعا مٷمكٸندٸك بەرٸلگەن. ويىندار «ماكاو» كازينوسىنىڭ عيماراتىنان جٷرگٸزٸلگەن.
"17-نە قاڭتارعا قاراعان تٷنٸ دەپارتامەنتتٸڭ جەدەل-تەرگەۋ توبى تٸنتۋ جٷرگٸزدٸ, ونىڭ بارىسىندا: 225,5 ملن تەڭگە, 15 مىڭنان استام ەۋرو, 719 مىڭ رۋبل, 34 مىڭ يۋان, 38,5 مىڭ اقش دوللارى, ۇيالى تەلەفوندار, بۋحگالتەرلٸك قۇجاتتار, جٷيەلٸك بلوكتار, رەسيۆەر, بەينەكامەرالار, مونيتورلار, فلەش-كارتالار, سەرۆەرلەر مەن بەينەرەگيستراتورلار تابىلىپ, تەركٸلەندٸ.
تەرگەۋ جٷرگٸزٸلٸپ جاتىر. قر قپك-نٸڭ 201-بابى تەرتٸبٸندەگٸ ٶزگە دە اقپارات جارييا ەتۋگە جاتپايدى" - دەلٸنگەن حابارلامادا.
