Almaty oblystyq Politsiia departamentiniń bastyǵy Serik Kúdebaev halyqqa videoúndeý joldady, dep habarlaidy QazAqparat.
«Ózderińizge belgili, bizdiń oblys aýmaǵynda terroristik qaýiptiliktiń «qyzyl» deńgeii saqtalýda.
Sonymen qatar 19 qańtardan bastap qoǵamdyq qaýipsizdikti qamtamasyz etý jáne jedel jaǵdaidy turaqtandyrý maqsatynda oblystyń barlyq aýmaǵynda «Quqyqtyq tártip» jedel-aldyn alý is-sharasy ótkiziletin bolady.
Sondai-aq áleýmettik jelilerde keibir jeke tulǵalar erteń, iaǵni 19 qańtarda zańsyz mitingiler men sherýlerge qatysýǵa shaqyrýda.
Osyǵan bailanysty sizderge mitingilerdi uiymdastyrý jáne ótkizý talaby «Qazaqstan Respýblikasynda beibit jinalystardy uiymdastyrý jáne ótkizý tártibi týraly« zańymen retteletinin jetkizemin», - dedi videojazbada Serik Kúdebaev.
Sonymen qatar departament basshysy mitingini uiymdastyrýshylardan jergilikti atqarýshy organdarǵa beibit jinalystardy uiymdastyrý jáne ótkizý týraly tiisti habarlamalar men ótinishter túspegenin atap ótti.
«Tiisinshe, zańdy buza otyryp júrgiziletin beibit jinalystardy uiymdastyrý jáne oǵan qatysý quqyqqa qaishy bolyp tabylady jáne Ákimshilik quqyq buzýshylyq týraly kodekstiń 488-baby boiynsha ákimshilik jaýaptylyqqa ákep soǵady.
Eger bul áreketter azamattardyń, uiymdardyń, qoǵamnyń nemese memlekettiń quqyqtary men zańdy múddelerine eleýli ziian keltirýmen qatar júretin bolsa, qylmystyq jaýapkershilik Qylmystyq kodekstiń 400-baby boiynsha kózdeledi», - dep tolyqtyrdy Almaty oblysynyń bas politseii.
Politsiia departamentiniń bastyǵy halyqty qoldanystaǵy zańnama normalaryn múltiksiz saqtaýǵa, arandatýshylyqqa boi aldyrmaýǵa jáne zańsyz aktsiialarǵa qatysýdan bas tartýǵa shaqyrdy.
«Quqyq qorǵaý organdary belgilengen tártipke, qoǵamdyq qaýipsizdikke qol suǵatyn kez kelgen quqyq buzýshylyqtyń jolyn kesedi, sondai-aq olarǵa jol bermeý jóninde zańda kózdelgen sharalardy qabyldaidy.
Osy jaǵdailarǵa bailanysty, Kreshenie hristian merekesin toilaý kezindegi jappai shomylýdan bas tartýdy usynamyz», - dedi Serik Kúdebaev.
