Foto: Polisia.kz
Almaty oblysynda esirtki qylmysyna qarsy is-qimyl qyzmetkerleri Bas prokýratýranyń birinshi qyzmetimen birlesip, ónerkásiptik aýqymdaǵy esirtki zerthanasyn joidy, dep habarlaidy Ult.kz.
Esirtki óndirisi Talǵarda ornalasqan fermalardyń birinde uiymdastyryldy. Tintý kezinde 8 tonnadan astam prekýrsor men 100 kg daiyn ónim, mefedron tárkilendi.
Osylaisha jalpy somasy 3 mlrd teńge bolatyn sintetikanyń eki júz myńnan astam bir rettik dozasy zańsyz ainalymǵa jiberilmedi.
Esirtki qylmysyna qarsy is-qimyl komiteti esirtki quraldaryn daiyndaǵany úshin ómir boiyna bas bostandyǵynan aiyrýǵa deiin jaza baryn eskertedi.
Esirtki qylmysyna qarsy is-qimyl qyzmeti bul baǵyttaǵy jumys jalǵasatynyn aitty.
