Foto: "JORYQ" at sporty federatsiiasynyń baspasóz qyzmeti
Almaty oblysyndaUly Jeńistiń 80 jyldyǵyna orai uiymdastyrylǵan halyqaralyq "Uly dala joryǵy" marafon-báigesiniń ashylý saltanaty ótti, dep habarlady "JORYQ" at sporty federatsiiasynyń baspasóz qyzmeti.
Saltanatty rásim Baqanas tasjolynyń boiynda uiymdastyrylyp, resmi qonaqtardyń kórmeni aralaýynan bastaldy. Odan keiin kópshilik Uly Otan soǵysynda qaza tapqan bozdaqtardy únsiz eske aldy. Qazaqstan Respýblikasynyń Memlekettik ánurany shyrqaldy.
Almaty oblysynyń ákimi Marat Sultanǵaziev quttyqtaý sózinde bul báigeniń el ishindegi jáne halyqaralyq deńgeidegi mańyzyna toqtalyp, atqa miný mádenieti qazaq halqynyń bolmysyn tanytatyn qundylyq ekenin atap ótti.
"Uly dala joryǵy" – bul tek jarys emes, ol – urpaqtar sabaqtastyǵyn jalǵaityn, ulttyq muramyzdy jańǵyrtatyn úlken alań. Bul báige arqyly biz mádenietimiz ben salt-dástúrimizdi nasihattap qana qoimai, el men el, jer men jer arasyndaǵy bailanysty nyǵaitamyz, – dedi oblys ákimi.
Biylǵy marafonǵa elimizdiń 13 óńirinen jáne 6 shet memlekettiń (Ońtústik Afrika, Qyrǵyzstan, Majarstan, Iran, Resei Federatsiiasy, (Tatarstan) ókilderinen quralǵan komandalar qatysyp jatyr. Olar aldaǵy bes kúnde 500 shaqyrymdy eńserip, tózim men sheberlikti synaidy.
