Qazaqstan politsiiasy kúnin merekeleýge bailanysty Ishki ister ministriniń buiryǵymen jáne Politsiia departamentiniń buiryǵymen qyzmettik mindetterin adal atqaryp, kásibilik tanytqan, qyzmette joǵary kórsetkishter kórsetken Almaty oblysynyń 650-den astam tártip saqshysy marapattaldy. Sondai-aq politseilerdiń 44 ata-anasyna alǵys hat tabystaldy, dep habarlaidy "Ult aqparat".
Búgin 23-maýsym kúni Politsiia departamentinde onlain rejiminde saltanatty is-shara ótti. Atalǵan is-sharaǵa Almaty oblysy Politsiia departamentiniń bastyǵy, politsiia general-maiory Serik Kýdebaev, ardagerler keńesiniń ókilderi, Departament qyzmetteri men bólimsheleriniń basshylyǵy men jeke quramy qatysty.
«Almaty oblysynyń Politsiia departamenti-joǵary dárejeli kásibi mamandar jumys isteitin kadrlyq áleýeti joǵary jáne zamanaýi tehnikalyq bazasy bar qýatty politsiia mekeni. Olardyń jetistiginiń basty kepili- urpaq sabaqtastyǵy jinaqtaǵan baǵa jetpes tájiribe. Qazirgi ýaqytta jiyrmaǵa jýyq qyzmetker nagradaǵa ie boldy. Qyzmettik boryshyn atqarý kezindegi adal eńbegi, erligi men batyldyǵy úshin 4 qyzmetker «Erligi úshin« memlekettik nagradasymen marapattaldy», - dep atap ótti Almaty oblysy Politsiia departamentiniń bastyǵy, politsiia general-maiory Serik Kýdebaev.
Sonymen qatar, 61 qyzmetker alǵys hatpen, 63 tártip saqshysy gramotalarmen marapattaldy, 18 politsiia qyzmetkerine alǵys jariialandy, sondai-aq 428 úmitker ózderiniń alǵashqy arnaiy ofitserlik ataqtaryn aldy. Sondai-aq, 7 qyzmetker kezekti áskeri ataǵyn merziminen buryn aldy. Budan ózge, qyzmette jaqsy kórsetkishter kórsetkeni úshin 30-dan astam qyzmetkerdiń buryn jariialanǵan jazalary alynyp tastaldy, 1090-nan astam qyzmetker merekelik aqshalai syiaqy ielendi.
