Bostandyqta jazasyn ótep júrgen sottalýshy koloniiaǵa esirtki laqtyryp jatqan jerinen ustaldy, habarlaidy "Ult aqparat".
Almaty oblysy boiynsha Qylmystyq atqarý júiesi departamentine qarasty LA-155/14 mekemesiniń qyzmetkerleri er adamdy ustady. Tyiym salynǵan zattardy túrmege ótkizbek bolǵan azamat buryn sol mekemede jazasyn ótegen. Oblystyq QAJD baspasóz qyzmetiniń málimetinshe, ol buryn Zarechnyi kentindegi ortasha qaýipsizdik mekemesinde zorlyq úshin jazasyn ótep shyqqan. Ol qorǵalatyn aimaqqa zańsyz enip, skotchpen oralǵan eki oramany tastaýǵa tyrysty.
Túiinshekterde 3 grammǵa jýyq shyǵý tegi belgisiz esirtki zattary, 2500 dana «Tra
madol» dárileri, 2 uialy telefon jáne 53 SIM karta jasyrynǵan.
Mekeme qyzmetkerleriniń qyraǵylyǵynyń nátijesinde tyiym salynǵan zattardy mekeme aýmaǵyna kirgizý faktisine jol berilmei, er adam ustaldy.
«Bul jaǵdai jaily óz túsiniktemesinde ustalǵan azamat Almaty oblysyndaǵy mekemeniń aýmaǵyna tyiym salynǵan zattardy birneshe ret jibergenin moiyndady.
Atalǵan fakti boiynsha tárkilengen zattardy anyqtaý jáne odan ári protsessýaldyq sheshim qabyldaý úshin Qapshaǵai qalasynyń politsiia bóliminiń jedel-tergeý toby shaqyryldy», - dedi Almaty oblysy boiynsha QAJD bastyǵynyń mindetin atqarýshy Qanat Ashov.
