© Sputnik / Timýr Batyrshin
Almaty oblysynyń Ile aýdandyq sotynda "LA-155/4" mekemesi (qazir 10 mekemesi) bastyǵynyń burynǵy kezekshi kómekshisine qatysty úkim shyǵaryldy, dep habarlaidy Sputnik Qazaqstan.
Sot materialdaryna sáikes, túrme bastyǵynyń burynǵy kómekshisi óz kinásin moiyndaǵan joq. Alaida jábirlenýshiniń sózi jáne basqa da dálelder rastaldy. Sondai-aq, birqatar saraptama jasaldy.
"Ile aýdandyq sotynyń úkimimen sottalýshy Qylmystyq kodekstiń 120-baby, 2-bóliginiń 5-tarmaǵy ("Zorlaý, adam qyzmet mindetterin oryndaý kezinde jasaǵan zorlaý áreketi"), sondai-aq, 146-baptyń 1-bóligi ("Azaptaýlar") boiynsha kináli dep tanylyp, 10 jylǵa bas bostandyǵynan aiyrý jazasyna kesildi. Oǵan qosa, belgili bir laýazymdardy 3 jyl boiy atqarýǵa tyiym salyndy", - delingen resmi habarlamada.
Túrmeniń burynǵy qyzmetkeri arnaiy ataqtan da aiyryldy. Sottiń úkimi zańdy kúshine engen joq.
Aita keteri, bul qylmys 2021 jyly 10 maýsymda jasaldy. Úsh balanyń anasy perzenthanadan bala urlaǵany úshin túrmege qamalǵan bolatyn. Sol jerde bir adamǵa ǵana arnalǵan kameraǵa otyrǵyzylǵan. Al túrmeniń 41 jastaǵy qyzmetkeri onyń qolyna kisen salyp, zorlap tastaǵan.
