foto: Ońalhan Ónerhan, elordainfo.kz
Qarasai aýdanyna qarasty Jibek joly aýylyndaǵy un ónimderin óndiretin tseh aýmaǵynda bolǵan jarylys kezinde zardap shekken adamdar aýrýhanada kóz jumdy. Bul týraly kompaniianyń resmi Instagram-paraqshasynda jariialandy, - dep habarlaidy Ult.kz.
Eske salaiyq, tótenshe jaǵdai 23 mamyrda bolǵan. Sol kezde bir adamnyń qaza taýyp, tórteýi aýyr jaralanǵany habarlanǵan edi. Olardyń denesiniń 80-90 paiyzy kúiip, jansaqtaý bólimine jetkizilgen bolatyn.
28 mamyrda zardap shekkenderdiń barlyǵy alǵan jaraqattarynan qaitys boldy.
"23 mamyrda bolǵan qaiǵyly oqiǵa saldarynan áriptesterimizdiń qaza tapqany týraly aýyr kúizelispen, qaiǵyra otyryp habarlaimyz", - delingen habarlamada.
Kompaniia marqumdardyń otbasylaryna kóńil aityp, orny tolmas qazanyń aýyrtpalyǵyn birge kóteretinin málim etti.
"Korporativtik baǵdarlamalar aiasyndaǵy saqtandyrý tólemderimen birge, kompaniia tarapynan qosymsha materialdyq kómek kórsetiledi. Jerleý rásimderin uiymdastyrýǵa bailanysty barlyq shyǵyndardy kompaniia óz moinyna alady. Sondai-aq marqum bolǵan áriptesterimizdiń artynda qaryzdyq mindettemeleri bolsa, tolyq óteletin bolady. Ár otbasyǵa psihologiialyq jáne zańgerlik kómek kórsetilip, qajet bolǵan jaǵdaida jeke qoldaý uiymdastyrylady".
"AziiaAgroFýd" AQ basqarmasy qazirgi ýaqytta oqiǵanyń sebepterin anyqtaý boiynsha tergeý jumystary júrgizilip jatqanyn habarlady.
