Almaty oblysynda 2007 jyly týǵan bala toqqa túsip kóz jumdy, dep habarlaidy QazAqparat tilshisi.
«Kezekti qaiǵyly jaǵdai Almaty oblysynyń Talǵar aýdanynyń Gúldala aýylynda tirkeldi. Aldyn ala málimet boiynsha, balany transformatordyń býdkasynan salbyrap turǵan jalańash symnyń toǵy soqqan. Osynyń saldarynan oqiǵa ornynda 2007 jylǵy bala mert boldy. Atalǵan material politsiia bólimine tirkelip, qylmystyq is qozǵaldy. Tekserý júrgizilip jatyr», - dedi Ishki ister ministrliginde ótken baspasóz máslihatynda QR IIM Tótenshe jaǵdailar komitetiniń tóraǵasy Vladimir Bekker.
Eske sala ketsek, keshe ǵana Almaty oblysynyń Jambyl aýdanynyń Eńbekshiaral aýylynda bir otbasynyń 2 balasy toqqa túsip kóz jumǵanyn habarlaǵan bolatynbyz.
