Búgin, iaǵni 21 qyrkúiek kúni S.Seifýllin atyndaǵy Almaty oblystyq kitaphana qabyrǵasynda Almaty oblysynyń mádeniet, arhivter jáne qujattama basqarmasynyń birlesip ashylǵan «Parasat joly» ortalyǵynda «Sybailas jemqorlyqpen kúres – kóptiń isi» taqyrybynda kezdesý ótkizildi.
Jiynǵa oblysymyzdyń ár óńirindegi ziialy qaýym, mádeniet pen óner salasynyń ókilderi bas qosyp, aýdandyq jáne qalalyq kitaphanalar online rejimde qosyldy.
Paiymdy pikirler men oramdy oilar ortaǵa salynǵan sharada ádildiktiń qoǵam ómirinde alatyn orny men shalqar shyǵarmalardyń oqyrmanǵa beretin tálim-tárbielik róli sóz bolyp, qundy qasiet parasattylyqtyń mańyzdylyǵy talqylandy.
Sharada sóz alǵan Sybailas jemqorlyqqa qarsy is-qimyl Departamenti basshysynyń orynbasary Jandos Saǵyndyquly bul igi bastama óńirinde adaldyq atmosferasyn qalyptastyrýda airyqsha mańyzǵa ie ekendigin alǵa tartyp, Almaty oblysyna qarasty jalpy sany 281 kitaphanalarda «Parasat joly» ortalyǵyn ashý arqyly sybailas jemqorlyqqa qarsy mádeniettiń jarqyn úlgisin qalyptastyrýǵa bolatynyn jetkizdi.
«Jumyla kótergen júk jeńil demekshi», jalpy agenttik aldynda turǵan aýqymdy máselelerdiń biri – osy keleńsiz qubylyspen kúreste barlyq qazaqstandyqtardyń kúsh-jigerin biriktirý qajet. Ol aqyn bola ma, memlekettik qyzmetkerler bola ma, muǵalim bola ma, meili. Bul – jappai kóteretin ortaq júk», – deidi QR Sybailas jemqorlyqqa qarsy is-qimyl agenttiginiń Almaty oblysy boiynsha departamenti ókilderi.
