Foto: ashyq derekkóz
Almaty oblysynyń mamandandyrylǵan aýdanaralyq ekonomikalyq soty «Voroshilovskoe» sý qoimasyna qatysty daýly isti qarap, nysandy kommýnaldyq menshikke qaitarý týraly sheshim shyǵardy, dep habarlaidy Ult.kz.
Belgili bolǵandai, 2017 jyly sý qoimasy 49 jylǵa satyp alý quqyǵynsyz jeke kásipkerge senimgerlik basqarýǵa berilgen. Alaida kásipker 2021 jyly qaitys bolǵannan keiin basqarý quqyǵy qosymsha kelisim negizinde onyń jesirine rásimdelgen.
Sot dereginshe, senimgerlik basqarý sharty senimgerdiń qaitys bolýymen birge toqtaýy tiis edi. Biraq zańǵa qaishy rásimdelgen kelisim saldarynan sý qoimasy tiimdi basqaralmady. 2024 jyly bas bóget jarylyp, memleketke eleýli shyǵyn keltirdi, úlken aýmaqtar sýarýsyz qaldy.
Qarjy basqarmasy birneshe ret eskertý jasasa da, jesir áiel talaptardy oryndamaǵan. Nátijesinde sotqa aryz túsirilip, mynadai sheshim qabyldandy:
-
2017 jylǵy senimgerlik shart – buzyldy dep tanyldy;
-
2021 jylǵy qosymsha kelisim – jaramsyz dep tanyldy;
-
jesirge berilgen muragerlik quqyǵy týraly kýálik – jaramsyz dep tanyldy.
Sot sheshimimen sý qoimasy kommýnaldyq menshikke qaitaryldy. Osylaisha, memlekettik múdde zań júzinde qorǵaldy.
Sheshim zańdy kúshine endi.
