فوتو: اشىق دەرەككٶز
الماتى وبلىسىنىڭ مامانداندىرىلعان اۋدانارالىق ەكونوميكالىق سوتى «ۆوروشيلوۆسكوە» سۋ قويماسىنا قاتىستى داۋلى ٸستٸ قاراپ, نىساندى كوممۋنالدىق مەنشٸككە قايتارۋ تۋرالى شەشٸم شىعاردى, دەپ حابارلايدى Ult.kz.
بەلگٸلٸ بولعانداي, 2017 جىلى سۋ قويماسى 49 جىلعا ساتىپ الۋ قۇقىعىنسىز جەكە كەسٸپكەرگە سەنٸمگەرلٸك باسقارۋعا بەرٸلگەن. الايدا كەسٸپكەر 2021 جىلى قايتىس بولعاننان كەيٸن باسقارۋ قۇقىعى قوسىمشا كەلٸسٸم نەگٸزٸندە ونىڭ جەسٸرٸنە رەسٸمدەلگەن.
سوت دەرەگٸنشە, سەنٸمگەرلٸك باسقارۋ شارتى سەنٸمگەردٸڭ قايتىس بولۋىمەن بٸرگە توقتاۋى تيٸس ەدٸ. بٸراق زاڭعا قايشى رەسٸمدەلگەن كەلٸسٸم سالدارىنان سۋ قويماسى تيٸمدٸ باسقارالمادى. 2024 جىلى باس بٶگەت جارىلىپ, مەملەكەتكە ەلەۋلٸ شىعىن كەلتٸردٸ, ٷلكەن اۋماقتار سۋارۋسىز قالدى.
قارجى باسقارماسى بٸرنەشە رەت ەسكەرتۋ جاساسا دا, جەسٸر ەيەل تالاپتاردى ورىنداماعان. نەتيجەسٸندە سوتقا ارىز تٷسٸرٸلٸپ, مىناداي شەشٸم قابىلداندى:
-
2017 جىلعى سەنٸمگەرلٸك شارت – بۇزىلدى دەپ تانىلدى;
-
2021 جىلعى قوسىمشا كەلٸسٸم – جارامسىز دەپ تانىلدى;
-
جەسٸرگە بەرٸلگەن مۇراگەرلٸك قۇقىعى تۋرالى كۋەلٸك – جارامسىز دەپ تانىلدى.
سوت شەشٸمٸمەن سۋ قويماسى كوممۋنالدىق مەنشٸككە قايتارىلدى. وسىلايشا, مەملەكەتتٸك مٷددە زاڭ جٷزٸندە قورعالدى.
شەشٸم زاڭدى كٷشٸنە ەندٸ.
