Jońǵar Alataýy ulttyq parkinde sibir taý eshkisi fototuzaqqa tústi, dep habarlaidy "Ult aqparat".
Bul týraly videony QR Ekologiia, geologiia jáne tabiǵi resýrstar ministrliginiń baspasóz hatshysy Samal Ibraeva Facebook-te jariialady.
«Dostar, bizdiń el erekshe janýarlarǵa bai. Solardyń biri - sibir taý eshkisi. Bul keremet tuiaqtylar Jońǵar Alataý ulttyq parkinde kameraǵa túsip», - dep jazdy ol.
Onyń aitýynsha, 2020 jyly park aýmaǵynda taýtekelerge sanaq júrgizilgen. Nátijesinde olardyń sany - 1596 bas. Tekesiniń semser tárizdi, kóldeneń býnaqty, uzyndyǵy 140 sm-dei múiizi bolady, eshkisiniń múiizi 40 sm-dei.
«Jońǵar Alataýy ulttyq parkinde foto-tuzaqtar qurý arqyly taýtekelerdiń taralý aýmaǵyna, maýsymdyq qubylystaryna turaqty baqylaýlar júrgiziledi», - dep jazdy Samal Ibraeva.
