Almaty oblysynda «Qyzyl» jáne «sary» aimaqtarda ornalasqan óńirlerde shekteý sharalary kúsheitiledi, dep habarlaidy "Ult aqparat".
Koronavirýstyq infektsiianyń paida bolýy men taralýyna jol bermeý jónindegi vedomstvoaralyq komissiia «qyzyl» jáne «sary» aimaqtardaǵy shekteý sharalaryn kúsheitý týraly sheshim qabyldady. Bul týraly Almaty oblysy ákiminiń baspasóz qyzmeti málimdedi. Aqparatqa sáikes 2021 jylǵy 12 qańtardaǵy jaǵdai boiynsha oblysta KVI-diń 7730 jaǵdaiy tirkelgen. Oblysta syrqattanýshylyqtyń ósýi 2020 jyldyń qazan aiynan bastaldy, infektsiianyń tirkelýi 3 aida 7,5 esege artty: qyrkúiek - 74 jaǵdai, qazan – 184 jaǵdai, qarasha – 591 jaǵdai; jeltoqsan – 1386 jaǵdai. Qańtar aiynyń 11 kúninde koronavirýstyq infektsiianyń 597 jaǵdaiy tirkeldi.
Búginde oblys aýrýhanalarda 434 adam emdelýde, onyń 29-y aýyr halde, 357 adam ambýlatoriialyq emdelýde.
Koronavirýstyq infektsiianyń juqtyrý qaýpi qoǵamdyq oryndarda (saýda jáne qoǵamdyq tamaqtandyrý obektileri, bazarlar) joǵarylap otyr, bul jerlerde naýqastardyń 40% jáne otbasynda 25% juqtyrǵan.
«Bul mereke kúnderi qala men oǵan jaqyn aýdandardyń turǵyndary sanitarlyq dárigerdiń talaptaryn saqtamai, shekteý sharalaryn buzǵanyn kórsetedi.
Máselen, jańa jyldyq demalys kúnderinen keiin Taldyqorǵan qalasyndaǵy koronavirýstyq infektsiia boiynsha epidemiologiialyq jaǵdai qaýipti bolyp otyr, baǵalaý matritsasyna sáikes qala «qyzyl aimaqta«, al Kóksý, Eskeldi jáne Panfilov aýdandary «sary aimaqta« qalyp otyr.
Biylǵy jyldyń qańtar aiynyń 11 kúni ishinde Taldyqorǵan qalasynda 135 adam, Kóksý aýdanynda 62 adam, Eskeldi aýdanynda 41 adam infektsiia juqtyrǵan.
Osyǵan sáikes epidemiologiialyq jaǵdaidy baqylaýdy kúsheitý maqsatynda Taldyqorǵan qalasynda, Kóksý, Eskeldi aýdandarynda 13 qańtardan bastap demalys kúnderine (lokdaýn) qosymsha shekteýler engiziletin bolady»,- delingen atalǵan vedomstvonyń baspasóz qyzmeti taratqan habarlamada. Meiramhanalar men dámhanalar (alyp ketý jáne jetkizý – shekteýsiz), oiyn-saýyq ortalyqtary, saýda úileri (azyq-túlik bazarlaryn, dárihanalardy, sulýlyq salondaryn, himiialyq tazartý oryndaryn qospaǵanda), jabyq bazarlardyń (azyq-túlik jáne azyq-túlik emes), saýnalar men SPA salondardyń, sporttyq-saýyqtyrý ortalyqtary, muz aidyndarynyń jáne t. b. jumysy toqtatylady.
Epidemiologiialyq jaǵdaiǵa bailanysty osy jyldyń 21 qańtaryna deiin atalǵan aimaqtardyń mektepterinde onlain oqytý merzimi uzartyldy.
