Búgin, 22 sáýir Taldyqorǵan qalasynyń mádeniet saraiynda QR Parlamenti Senatynyń depýtattyǵyna kandidatty sailaý ótti. Halyq qalaýlylary basym daýysty Janbolat Jórgenbaevqa berdi, - dep habarlaidy QazAqparat.
Senat depýtattyǵyna eki úmitker qatysty.
Olar - Almaty oblystyq máslihatynyń depýtaty Gúlmira Ahmetova jáne Almaty oblystyq máslihatynyń hatshysy Janbolat Jórgenbaev.
«Sailaýǵa Almaty oblysynyń barlyq deńgeidegi máslihat depýtattary qatysty. 346 depýtattyń 47-i G. Ahmetovaǵa, 294-i J. Jórgenbaevqa daýys berdi. Al 5 halyq qalaýlysy eki kandidatqa da daýys bermedi»,- dedi Almaty oblystyq sailaý komissiiasynyń tóraǵasy Timýr Dáýitov.
Sailaý qorytyndysyna sáikes, Janbolat Jórgenbaev QR Parlamenti Senatyna Almaty oblysy atynan depýtat bolyp barady.
Sailaý hattamasy Ortalyq sailaý komissiiasyna joldanady.
