Foto: QR TJM baspasóz qyzmeti
Qonaev qalasy Zarechnyi aýylynda kóppáterli túrǵyn úi órtendi, dep habarlaidy "Ult aqparat" QR Tótenshe jaǵdailar ministrliginiń baspasóz qyzmetine silteme jasap.
17 tamyzda saǵat 03:57-de Almaty oblysynyń Tótenshe jaǵdailar departamentiniń órt sóndirý bólimshelerine Qonaev qalasy Zarechnyi aýylyndaǵy Shkolnaia kóshesiniń boiynda ornalasqan segiz páterli turǵyn úidiń órtengeni týraly habarlama túsken.
"Saǵat 04:21-de, órt sóndirýshiler kelgen ýaqytta úidiń shatyry men ekinshi qabaty janyp, artynsha shatyry opyrylǵany anyqtaldy. Órt týraly habarlama kesh túskendikten, ony sóndirý jumystary qiyndady. Qonaev qalalyq órt sóndirý bóliminen oqiǵa ornyna deiingi qashyqtyq 20 shaqyrymdy quraidy" - delingen habarlamada.
Órt sóndirý qyzmeti kelgenge deiin 15 adam ózderi evakýatsiialanǵan, onyń ekeýi jaraqat alǵan.
Qyzyl jalyn saǵat 05:10-da oqshaýlanyp, saǵat 7:20-da tolyqtai joiylǵan. Órtti sóndirýge Almaty oblysy Tótenshe jaǵdailar departamentinen 10 qyzmetker men 3 birlik tehnika jumyldyrylǵan.
"Órtke qarsy qyzmet organdarynyń qyzmetkerleri óz ómirin qaýipke tigip, órt ornynan gaz ballondardy shyǵardy.
Qazirgi ýaqytta órttiń shyǵý sebebi anyqtalyp jatyr.
Almaty oblysynyń ákimi Marat Sultanǵaziev órt ornyna baryp, órtten zardap shekken turǵyndarmen kezdesti (24 adam, onyń ishinde 10 bala). Qonaev qalasynyń ákimine zardap shekkenderdi Qonaev qalasynyń qonaq úiine ornalastyrýdy tapsyryldy.
Jergilikti atqarýshy organdar zańnamada belgilengen tártipte órtten zardap shekkenderge keltirilgen zalaldy óteý jóninde sharalar qabyldaidy" - delingen habarlamada.
