فوتو: قر تجم باسپاسٶز قىزمەتٸ
قوناەۆ قالاسى زارەچنىي اۋىلىندا كٶپپەتەرلٸ تٷرعىن ٷي ٶرتەندٸ, دەپ حابارلايدى "ۇلت اقپارات" قر تٶتەنشە جاعدايلار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
17 تامىزدا ساعات 03:57-دە الماتى وبلىسىنىڭ تٶتەنشە جاعدايلار دەپارتامەنتٸنٸڭ ٶرت سٶندٸرۋ بٶلٸمشەلەرٸنە قوناەۆ قالاسى زارەچنىي اۋىلىنداعى شكولنايا كٶشەسٸنٸڭ بويىندا ورنالاسقان سەگٸز پەتەرلٸ تۇرعىن ٷيدٸڭ ٶرتەنگەنٸ تۋرالى حابارلاما تٷسكەن.
"ساعات 04:21-دە, ٶرت سٶندٸرۋشٸلەر كەلگەن ۋاقىتتا ٷيدٸڭ شاتىرى مەن ەكٸنشٸ قاباتى جانىپ, ارتىنشا شاتىرى وپىرىلعانى انىقتالدى. ٶرت تۋرالى حابارلاما كەش تٷسكەندٸكتەن, ونى سٶندٸرۋ جۇمىستارى قيىندادى. قوناەۆ قالالىق ٶرت سٶندٸرۋ بٶلٸمٸنەن وقيعا ورنىنا دەيٸنگٸ قاشىقتىق 20 شاقىرىمدى قۇرايدى" - دەلٸنگەن حابارلامادا.
ٶرت سٶندٸرۋ قىزمەتٸ كەلگەنگە دەيٸن 15 ادام ٶزدەرٸ ەۆاكۋاتسييالانعان, ونىڭ ەكەۋٸ جاراقات العان.
قىزىل جالىن ساعات 05:10-دا وقشاۋلانىپ, ساعات 7:20-دا تولىقتاي جويىلعان. ٶرتتٸ سٶندٸرۋگە الماتى وبلىسى تٶتەنشە جاعدايلار دەپارتامەنتٸنەن 10 قىزمەتكەر مەن 3 بٸرلٸك تەحنيكا جۇمىلدىرىلعان.
"ٶرتكە قارسى قىزمەت ورگاندارىنىڭ قىزمەتكەرلەرٸ ٶز ٶمٸرٸن قاۋٸپكە تٸگٸپ, ٶرت ورنىنان گاز باللونداردى شىعاردى.
قازٸرگٸ ۋاقىتتا ٶرتتٸڭ شىعۋ سەبەبٸ انىقتالىپ جاتىر.
الماتى وبلىسىنىڭ ەكٸمٸ مارات سۇلتانعازيەۆ ٶرت ورنىنا بارىپ, ٶرتتەن زارداپ شەككەن تۇرعىندارمەن كەزدەستٸ (24 ادام, ونىڭ ٸشٸندە 10 بالا). قوناەۆ قالاسىنىڭ ەكٸمٸنە زارداپ شەككەندەردٸ قوناەۆ قالاسىنىڭ قوناق ٷيٸنە ورنالاستىرۋدى تاپسىرىلدى.
جەرگٸلٸكتٸ اتقارۋشى ورگاندار زاڭنامادا بەلگٸلەنگەن تەرتٸپتە ٶرتتەن زارداپ شەككەندەرگە كەلتٸرٸلگەن زالالدى ٶتەۋ جٶنٸندە شارالار قابىلدايدى" - دەلٸنگەن حابارلامادا.
